“Kishin kohë të ndarë” – Flet e afërmja e familjes Plaka: Vajza kishte urdhër mbrojtjeje! Edhe në Tiranë i ka dalë me armë

Një e afërme e familjes Plaka në Roskovec, ku ndodhi krimi i rëndë i kryer nga ish dhëndri Refit Buzi, ka treguar se çifti kishin kohë të ndarë.

Sipas saj, 35-vjeçari i kishte dalë vajzës Rozalinda Plaku edhe me armë në Tiranë dhe se ajo kishte marrë urdhër mbrojtje pasi ka qenë vazhdimisht nën kërcënime.

“Kishin kohë të ndarë. Edhe në Tiranë i ka dalë vajzës me pistoletë. Ka qenë studente për infermiere. Ndenji disa kohë në burg dhe më pas në arrest shtëpie. Ai dilte gjithnjë. Vajza ka qenë gjithnjë me kërcënime. “, tha ajo.

Kujtojmë që 35-vjeçari vrau ish vjehrrin, 58 vjeçarin Kosta Plaka si dhe plagosi ish vjehrrën Belere Plaka. Më pas mori peng të renë.