Zjarri në Drenie të Patosit, 30 zjarrfikës dhe ndërhyrje nga ajri për shuarjen e flakëve

Vijon puna për izolimin e vatrës së zjarrit në zonën e Drenies, në Patos, ku flakët kanë qenë aktive prej disa ditësh.

Në terren janë angazhuar 30 efektivë zjarrfikës, të cilët po punojnë për vënien nën kontroll të zjarrit dhe për parandalimin e përhapjes së flakëve në zona të tjera.

Situata paraqitet e vështirë për shkak të intensitetit të zjarrit dhe terrenit, ndërsa ekipet zjarrfikëse vijojnë ndërhyrjen në zonën e prekur.

Për shkak të përmasave të flakëve, gjatë ditës së martë u bë e nevojshme edhe ndërhyrja nga ajri. Dy avionë u angazhuan për shuarjen e zjarrit dhe për të ndihmuar në izolimin e vatrave aktive.