Spitali Rajonal Memorial i Fierit, në bashkëpunim të ngushtë me Urdhrin e Infermierit (Dega Fier), ka mirëpritur studentët e degës së Infermierisë si dhe teknikët e ardhshëm të imazherisë për zhvillimin e praktikës së tyre profesionale.
Gjatë kësaj periudhe, studentët do të kenë mundësinë të ndërthurin njohuritë e marra teorike me përvojën e drejtpërdrejtë klinike, pranë ambienteve moderne dhe nën monitorimin e stafit mjekësor të spitalit.
Ky hap synon përgatitjen e tyre me standardet më të larta për të hyrë me siguri dhe profesionalizëm në tregun e punës.Spitali Rajonal Memorial i uron të gjithë praktikantëve shumë suksese në këtë rrugëtim të rëndësishëm profesional në shërbim të shëndetit dhe komunitetit.