16.11.2026Moti në Fier
Fieri Sot
Gjuhët

Përkthe faqen me shërbim të jashtëm:

EnglishItalianoΕλληνικά

Tritol në banesën e Mateos Pashajt në Patos, 37-vjeçari i dënuar për vrasjen e Daniel Rrapushit që tronditi qytetin

admin · 16.11.2026 · 2 min lexim

Një shpërthim ka ndodhur rreth orës 05:00 të mëngjesit të sotëm në banesën e Mateos Pashajt, 37 vjeç, në qytetin e Patosit.

Si pasojë e shpërthimit është dëmtuar njëra prej kolonave të portës kryesore të banesës, si dhe një garazh në oborrin e saj. Nga ngjarja nuk raportohet për persona të lënduar.

Ka qenë vetë 37-vjeçari ai që ka njoftuar policinë, e cila ka mbërritur në vendngjarje dhe po punon për zbardhjen e rrethanave dhe identifikimin e autorëve të shpërthimit.

Argjendari Enklev — Telefon, Facebook dhe Instagram

Mateos Pashaj është një emër i njohur për drejtësinë. Në vitin 2010, kur ishte vetëm 17 vjeç, ai është dënuar për vrasjen e 17-vjeçarit Daniel Rrapushi, ngjarje e rëndë që tronditi qytetin e Patosit.

Sipas të dhënave të asaj kohe, konflikti mes adoleshentëve dyshohet se kishte nisur për shkak të adresave në rrjetin social Facebook.

Në përplasjen e ndodhur në qendër të qytetit, Daniel Rrapushi u qëllua me thikë në zemër, ndërsa shoku i tij, Rauf Bregu, mbeti i plagosur me thikë nga bashkëpunëtori i autorit.

Për ngjarjen u arrestuan katër adoleshentë, mes tyre edhe Mateos Pashaj, i cili në atë kohë ishte 17 vjeç. Ai kreu 5 vite burg, duke qenë se në kohën e kryerjes së veprës penale ishte i mitur.

Ndërkohë, në vitin 2024, Pashaj është përfshirë në një tjetër incident, ku ka dhunuar një punonjës të sigurisë se burgut, për çka ndaj tij është caktuar masa e sigurisë “arrest në shtëpi”, nën akuzën e goditjes për shkak të detyrës.

Policia po vijon hetimet për të përcaktuar nëse shpërthimi në banesën e tij ka qenë i qëllimshëm dhe për të identifikuar personat që qëndrojnë pas këtij akti.

Si e vlerëson këtë lajm?

Hyr në llogari për të votuar · Një votë për lajm.

Komentet

    Leave a Reply

    Your email address will not be published. Required fields are marked *