22.11.2026Moti në Fier
Fieri Sot
Gjuhët

Përkthe faqen me shërbim të jashtëm:

EnglishItalianoΕλληνικά

Lamtumira e fundit për Sotir Stefën: Homazhet në teatrin “Bylis” bashkojnë familjarë, miq e kolegë

admin · 24.06.2026 · 2 min lexim

Mes dhimbjes së familjarëve dhe respektit të kolegëve, paraditen e sotme në sallën e teatrit “ Bylis” është përcjellë për në banesën e fundit aktori i njohur i teatrit dhe humorit fierak, Sotir Stefa.

Edhe pse shpesh interpretoi role jo protagoniste, ai arriti të shkëlqejë në skenë, duke i kthyer personazhet dytësore në figura të paharrueshme për publikun.

Stefa u bë një nga artistët më të dashur për qytetarët fierakë, falë talentit, thjeshtësisë dhe aftësisë për t’i dhënë jetë çdo roli që interpretonte.

Argjendari Enklev — Telefon, Facebook dhe Instagram

Familjarë, miq, kolegë, artdashës dhe qytetarë të shumtë iu bashkuan homazheve për t’i dhënë lamtumirën e fundit artistit, duke vlerësuar kontributin e tij të çmuar në artin skenik.

Vlerësime të ndjera për figurën dhe veprën e Sotir Stefës dhanë miqtë dhe kolegët e tij, Luftar Paja, Vasil Vaso dhe Xhulieta Kulla, të cilët e kujtuan me respekt dhe emocion bashkëpunimin e gjatë dhe miqësinë me aktorin fierak.

Me largimin e Sotir Stefës, Fieri humbi një prej figurave më të dashura të teatrit dhe humorit, ndërsa arti shqiptar një artist që la gjurmë të pashlyeshme në skenë dhe në kujtesën e publikut.

Si e vlerëson këtë lajm?

Hyr në llogari për të votuar · Një votë për lajm.

Komentet

    Leave a Reply

    Your email address will not be published. Required fields are marked *