Vlora ka mbetur sërish pa ujë të pijshëm.
Ujësjellës Kanalizime Rajoni Vlorë ka njoftuar qytetarët se, për shkak të një avarie të rëndë në tubacionin 500, të furnizimit me ujë, pranë zonës “Miramare”, janë stakuar të gjitha stacionet e ujësjellësit.
Grupet e Degës Teknike janë angazhuar në terren dhe do të punojnë gjatë gjithë natës për riparimin e avarisë në kohën më të shpejtë të mundshme, me qëllim shmangien e problematikave të mëtejshme në furnizimin me ujë.
Kujtojmë se edhe në muajin dhjetor, Vlora mbeti disa ditë pa ujë, ndërprerje e cila preku mijëra familje dhe biznese, duke krijuar një situatë emergjente.Top Channel
