Apolonia ka bërë një tjetër hap të madh në Kupën e Federatës, duke siguruar kualifikimin në finale, pas fitores dramatike ndaj Tiranës me rezultatin 70-68, në ndeshjen e zhvilluar mbrëmë në Pallatin e Sportit “Asllan Rusi”.
Sfida ishte e luftuar deri në sekondat e fundit, me të dyja skuadrat që rivalizuan fort për çdo top dhe çdo pikë. Apolonia arriti ta menaxhojë më mirë momentin vendimtar dhe në fund arriti të triumfojë, duke prerë biletën për në finalen e Kupës së Federatës.
Fitorja vjen pak ditë pas suksesit në çerekfinale ndaj Elbasanit, të cilin Apolonia e mposhti me rezultatin 105-99.