21.11.2026Moti në Fier
Fieri Sot
Gjuhët

Përkthe faqen me shërbim të jashtëm:

EnglishItalianoΕλληνικά

Policia Rrugore shton kontrollet në Fier, monitorim me pajisje inteligjente në akset rrugore

admin · 29.09.2026 · 2 min lexim

Gjatë kësaj jave, në kuadër të kontrolleve të intensifikuara për rritjen e sigurisë rrugore, janë proceduar penalisht 5 shtetas për shkelje të ndryshme të dispozitave të Kodit Rrugor.

Nga këta, 1 shtetas i arrestuar për drejtim automjeti në gjendje të dehur, ndërsa 3 shtetas të tjerë për drejtim të mjetit pa leje drejtimi, nga të cilët 1 i arrestuar dhe 2 të proceduar në gjendje të lirë.

U procedua penalisht gjithashtu 1 shtetas për shkelje të rregullave të qarkullimit rrugor me pasojë aksidentin.

Argjendari Enklev — Telefon, Facebook dhe Instagram

Në kuadër të kontrolleve parandaluese, të organizuara me grupe kontrolli në rrugët urbane, interurbane dhe lokale, gjatë kësaj periudhe janë vendosur gjithsej:

• 989 masa administrative për tejkalim të shpejtësisë, në rrugët interurbane dhe në autostradën A2;
• 40 masa administrative për mospërdorimin e rripit të sigurimit;
• 4 masa administrative për përdorimin e celularit gjatë drejtimit të mjetit;
• 35 masa administrative për parakalim të gabuar;
• 6 masa administrative për drejtim automjeti nën efektin e alkoolit;
• 112 masa administrative për shkelje të tjera të rregullave të qarkullimit rrugor, të cilat përbëjnë burim potencial për aksidente.

Vijojnë kontrollet për mjetet që kryejnë transportin e nxënësve, me qëllim garantimin e sigurisë së tyre gjatë lëvizjes. Gjatë kësaj jave janë vendosur 3 masa administrative, pasi janë konstatuar mjete të transportit publik pa dokumentacionin përkatës.

Policia Rrugore Fier apelon sërish për respektimin rigoroz të rregullave të qarkullimit rrugor, si një kontribut i rëndësishëm për rritjen e sigurisë rrugore, mbrojtjen e jetës dhe shëndetit të të gjithë përdoruesve të rrugës, si dhe garantimin e një qarkullimi të sigurt, të lirë dhe pa pengesa.

Si e vlerëson këtë lajm?

Hyr në llogari për të votuar · Një votë për lajm.

Komentet

    Leave a Reply

    Your email address will not be published. Required fields are marked *