Me rastin e 29 Shtatorit – Ditës Botërore të Zemrës, Spitali Rajonal Memorial i Fierit ka publikuar bilancin e shërbimeve të ofruara për qytetarët gjatë vitit 2026, duke konfirmuar përkushtimin e tij në parandalimin dhe trajtimin e sëmundjeve kardiovaskulare.
Përgjatë këtij viti, Shërbimi i Kardiologjisë në Spitalin Memorial ka kryer një volum të lartë punimesh dhe ndërhyrjesh diagnostikuese e trajtuese:
- 27,400 elektrokardiograma (EKG)
- 8,200 konsulta kardiake ambulatorike
- 8,060 ekografi kardiake
- 1,840 angio-CT koronare
- 1,640 pacientë të shtruar në Shërbimin e Kardiologjisë
- 1,470 procedura koronarografie
- 855 teste Holter (për ritmin dhe tensionin)
- 415 prova ushtrimore (stres-teste)
- 340 konsulta kardiake në kuadër të Praktikës së Dyfishtë
Përmes këtij postimi ndërgjegjësues, Spitali Memorial i bën thirrje qytetarëve të tregojnë kujdes të përditshëm për shëndetin e zemrës — duke u ushqyer shëndetshëm, duke ecur në natyrë, duke shmangur duhanin dhe duke kryer kontrolle periodike te mjeku specialist kardiolog.