Fier, goditi me mjet prerës bashkëmoshatarin e tij, arrestohet autori i dyshuar

Një konflikt i çastit mes dy adoleshentëve ka përfunduar me plagosjen e një 16-vjeçari, i cili ndodhet në spital jashtë rrezikut për jetën. Ngjarja ndodhi mbrëmjen e djeshme ne Fier, dhe pas një pune hetimore, Policia e Fierit arriti të identifikojë dhe shoqërojë në Komisariat autorin e dyshuar, një 17-vjeçar nga lagjja “Mbrostar Ferko”.

Sipas burimeve, 17-vjeçari ka përdorur një mjet prerës për të goditur bashkëmoshatarin e tij në këmbë, pas një mosmarrëveshjeje për motive të dobëta.

INFORMACIONI NGA POLICIA E FIERIT

Goditi me mjet prerës një bashkëmoshatarin e tij, identifikohet, kapet dhe shoqërohet në Polici, autori i dyshuar.

Në vijim të informacionit paraprak të dhënë mbrëmjen e djeshme ku është dëmtuar me mjet prerës në këmbë një 16-vjeçar, shërbimet e Komisariatit të Policisë Fier kanë organizuar punën për identifikim e autorit të dyshuar dhe pas disa orësh kërkim, bënë të mundur kapjen dhe shoqërimin e 17-vjeçarit nga lagja “Mbrostar Ferko”, Fier.

17-vjeçari, pas një konflikti të çastit, për motive të dobëta, ka goditur me mjet prerës në këmbë, 16-vjeçarin, i cili ndodhet në spital në kujdesin e mjekëve, jashtë rrezikut për jetën.

Autori i dyshuar është shoqëruar në ambientet e Komisariatit të Policisë Fier, me të cilin po kryhen veprimet e mëtejshme hetimore.