Aksident i rëndë në Tiranë, betonierja bie nga lartësia në autostradë, vdes shoferi! Një tjetër i lënduar

Një aksident i rëndë ka ndodhur mesditën e sotme në rrethrrotullimin e TEG-ut.

Siç shihet edhe nga fotot, një mjet i tonazhit të rëndë ka humbur kontrollin dhe ka rënë nga mbikalimi në autostradë.

Si pasojë e përplasjes së fortë, mësohet se ka humbur jetën drejtuesi i mjetit të tonazhit të rëndë.

Ndërkohë, në momentin e rënies kamioni është përplasur edhe me një mjet tjetër tip Audi, drejtuesi i të cilit ka mbetur i plagosur.

Ai është dërguar në spital për të marrë ndihmë mjekësore dhe mësohet se ndodhet jashtë rrezikut për jetën.

Aksidenti ka ndodhur pranë Saukut në drejtimin Tiranë-Elbasan.