Një shpërthim ka ndodhur mëngjesin e kësaj të mërkure, 9 shtator, në zonën e Brrylit te një pikë karburanti ‘Eida’.
Sipas informacioneve ka shpërthyer një bombul gazi, dhe për pasojë është shembur një godinë një katëshe. Në momentin e ngjarjes ka qenë edhe një automjet duke u furnizuar me karburant.
Nga shpërthimi kanë mbetur të dëmtuar tre punonjës të karburantit, të cilët po marrin ndihmë mjekësore. Policia dhe forcat zjarrfikëse ndodhen në vendin e ngjarjes.
Njoftimi i policisë:
Tek “Brryli”, në një karburant, dyshohet se ka shpërthyer një bombul gazi, gjatë kohës që po furnizohej me karburant një automjet.
Si pasojë, janë dëmtuar 3 persona, punonjës të karburantit, të cilët janë dërguar në spital për mjekim, jashtë rrezikut për jetën.
Grupi hetimor vijon punën për sqarimin e rrethanave të rastit.