Takimi i Kryeministrit me kryetarët e bashkive ishte një takim informues për ato bashki që parashikohet të bashkohen, me qëllim shpjegimin e reformës së propozuar nga Partia Socialiste dhe diskutimin e hapave të mëtejshëm.

Gazetari i Top Channel, Muhamed Veliu, sipas burimeve, mëson se kryeministri Rama ka deklaruar se “kjo është një reformë për Shqipërinë dhe jo një reformë për një bashki apo për një tjetër”.

Përvoja e Reformës Administrative-Territoriale të vitit 2014 tregoi se, sa herë bashkitë bashkohen, përfitimet janë të përbashkëta më shumë kapacitete, shërbime më të mira dhe një administrim më efikas.

“Reforma do të ecë përpara”, mësohet të ketë thënë Rama.

Edhe në rastin e Divjakës dhe Dimalit, bashkimi synon të sjellë përfitime për të gjithë qytetarët. Roli i qytetit do të mbetet i qartë në funksionimin e njësisë së re vendore dhe në ruajtjen e shërbimeve që ofrohen sot.

Ky është një nga garancitë kryesore që qytetarët duhet të kenë cenimin e shërbimeve që sot ofrohen nga bashkitë aktuale.

Reforma do të vijojë përpara, përmes konsultimeve të nevojshme me bashkitë, komunitetet dhe të gjithë aktorët e përfshirë, me synimin për të ndërtuar një organizim vendor më funksional, më efikas dhe më pranë qytetarëve.

Që prej dërgimit nga ana e Kuvendit të draftit për hartën e re territoriale në të gjitha bashkitë e vendit, në njësitë të cilat parashikohet të shkrihen, janë zhvilluar protesta nga qytetarët, por edhe kundërshtime nga këshillat bashkiakë.

Në Poliçan, mbështetësit e Partisë Socialiste reaguan publikisht ku dogjën edhe teserat e PS-së, ndërkohë që kreu lokal i kësaj partie dha dorëheqjen.

Kryetarët e pranishëm në mbledhje ishin: e Bashkisë Durrës, i Bashkisë Shkodër, Kukës, Elbasan, Korçë, Berat, Vlorë, Gjirokastër, Gjirokastër, Klos, Rrogozhinë, Dimal, Poliçan, Patos, Divjakë, Selenicë, Maliq, Këlcyrë, Cërrik, Belsh dhe Libohovë.

Kreu i Partisë Demokratike, Sali Berisha ka deklaruar se qeveria dhe Partia Socialiste po përballen me një rënie të ndjeshme në mbështetjen e qytetarëve.

Gjatë një konference me gazetarët, Berisha u shpreh se “narkoshteti po shkërmoqet” dhe se sondazhet e publikuara së fundmi nga vetë PS tregojnë një rënie të konsiderueshme të mbështetjes për Partinë Socialiste.

“Narkoshteti po shkërmoqet! Po degradon! Pollet e fundit të bëra nga PS kanë një rënie katastrofale. Partia e krimit është rrokullisur në shifrat e saj në 29 përqind. Edhe këto, po të heqësh koeficientin e frikës, zbret edhe më poshtë. Ky nuk është një poll i bërë nga opozita, po ky është poll i brendshëm i vetë partisë së krimit. Edi Rama vetë qëndron nën partinë. Se atyre u thotë u tërheq unë. Kjo ka ngjallur një alarm të jashtëzakonshëm”, tha Berisha.

Në Qarkun e Dibrës sot në 12 gusht është aktive vetëm një vatër zjarri në Lurë.

Kjo vatër vijon prej dy ditësh brenda Parkut Kombëtar të Lurës dhe ka përfshirë sipërfaqe të konsiderueshme kullotash dhe pyje me pisha e bredha, raporton gazetari i Klan News Neki Feta.  

Ditën e djeshme janë angazhuar rreth 100 forca të Bashkisë, Emergjencave, zjarrfikës dhe vullnetarë. Në ndihmë kanë qenë edhe dy helikopterë, por situata vijon të përkeqësohet.

Zjarri gjatë natës ka avancuar, duke përfshirë zonën e quajtur Gjagjisht duke avancuar drejt pllajave të Lanë Lurës. Ditën e sotme kanë mbërritur edhe 40 forca ushtarake të batalionit të mbështetjes. Pritet sërish ndërhyrja nga ajri, për të vënë nën kontroll situatën, pasi situata  është e vështirë, si pasojë e mungesës së rrugëve pyjore dhe erës së fortë që favorizon zjarrin.

Ndërkaq, edhe dy avionë kanë mbërritur për të shuar zjarrin në Parkun Kombëtar të Lurës.

Vetë ministri i Mbrojtjes Ermal Nufi ka reaguar për zjarret në Lurë. Nufi deklaron se operacioni për menaxhimin e vatrës së zjarrin në Parkun Kombëtar në Lurë vijon me intensitet të lartë.

“Të gjitha strukturat janë të angazhuara dhe po punojnë në koordinim të plotë, nga toka dhe ajri, me prioritet mbrojtjen e banesave dhe kufizimin e përhapjes së zjarrit.

Në operacion janë angazhuar rreth 220 forca dhe efektivë, mes tyre MZSH, Forcat e Armatosura, Policia e Shtetit, ADZM, shërbimi pyjor, strukturat bashkiake, vullnetarë, AKMC dhe Prefektura e Qarkut Dibër”, shkruan ministri.

Postimi i plotë i ministrit të Mbrojtjes Ermal Nufi

Vijon me intensitet të lartë operacioni për menaxhimin e vatrës së zjarrit në Parkun Kombëtar të Lurës, në zonën Runjë, mbi fshatin Borie Lurë.

Të gjitha strukturat janë të angazhuara dhe po punojnë në koordinim të plotë, nga toka dhe ajri, me prioritet mbrojtjen e banesave dhe kufizimin e përhapjes së zjarrit.

Në operacion janë angazhuar rreth 220 forca dhe efektivë, mes tyre MZSH, Forcat e Armatosura, Policia e Shtetit, ADZM, shërbimi pyjor, strukturat bashkiake, vullnetarë, AKMC dhe Prefektura e Qarkut Dibër.

Nga ajri po operojnë 2 avionë “Air Tractor”, të përqendruar në vatrat më problematike.

Angazhimi maksimal vijon deri në vënien plotësisht nën kontroll dhe neutralizimin e vatrës.

Një takim mes kryeministrit Edi Rama dhe djalit të miliarderit George Soros, Alex Soros raportohet se ka ndodhur gjatë ditëve të pushimeve në jug të vendit.

Sipas raportimeve, kreu i ekzekutivit e ka pritur Alex Soros në rezidencën qeveritare në Dhërmi, në bregdetin e jugut.

Lajmi për këtë vizitë është shoqëruar edhe me pamje. Foto nga prania e Alex Soros në rezidencën shtetërore janë publikuar nga faqja e njohur në rrjetin social Facebook, “Lolita”.

Është një nga ngjarjet më mbresëlënëse të astronomisë që ndodh vetëm një herë në jetë. Më 12 gusht, hëna do të kalojë drejtpërdrejt midis Tokës dhe Diellit në orën 15:34 GMT, duke hedhur hijen e saj mbi planet. Ndërsa miliona njerëz në Groenlandë, Islandë, Portugali dhe Spanjë po bëhen gati për të përjetuar një eklips total diellor — ku autoritetet spanjolle kanë kaluar në gatishmëri të lartë për shkak të turmave dhe rrezikut të zjarreve — vëmendja zhvendoset edhe te rajoni ynë.

Si do të duket eklipsi në Shqipëri?

Në territorin shqiptar, ky fenomen madhështor nuk do të jetë total, por do të mund të vëzhgohet si një eklips i pjesshëm. Për shkak të pozicionit gjeografik, hëna do të mbulojë vetëm një pjesë të diskut të diellit. Kjo do të thotë se qytetarët në Shqipëri nuk do të përjetojnë errësirën e plotë të ditës që shoqëron vendet e Evropës Perëndimore, por do të vërejnë vetëm një zbehje të lehtë të dritës gjatë orëve të pasdites.

Ndërkohë që në Spanjë kulmi i eklipsit pritet të arrihet pak para perëndimit të diellit (mes orës 20:26 dhe 20:33 me orën lokale), dashamirësit e astronomisë dhe qytetarët në Shqipëri që dëshirojnë të ndjekin eklipsin e pjesshëm ftohen të bëjnë kujdes maksimal.

Ekspertët përsërisin thirrjen se shikimi i drejtpërdrejtë i diellit pa syze të posaçme mbrojtëse ose pajisje të certifikuara është rreptësisht i ndaluar, pasi mbart rrezik serioz për dëmtimin e shikimit, pavarësisht faktit se hëna do të bllokojë vetëm një pjesë të rrezeve të tij.