Pranë Qendrës Multifunksionale “Horizont” Bashkia Fier vazhdojnë regjistrimet për vitin e ri shkollor-terapeutik 2026–2027, për fëmijët dhe të rinjtë me aftësi ndryshe.
Qendra jonë ofron mësim në klasat speciale në varësi të shkollës 9-vjeçare “Liri Gero”, me mësues të specializuar për fëmijët me aftësi ndryshe, si dhe terapi individuale apo në grup me specialistë të fushave përkatëse, të licencuar, në mënyrë që fëmijët dhe të rinjtë të integrohen në shkollat normale, në kurset e formimit profesional dhe në punë.
– Tek terapitë individuale përfshihen:
Ergoterapia 
Psikologjia
Logopedia
Fizioterapia
Terapia okupacionale
Vlen të theksohet që mosha minimale e pranimit për terapi në Qendër është 3 vjeç.
Gjithashtu, Qendra mbulon me transport dhe me vaktin e drekës të gjithë fëmijët që ndjekin Arsimin Special, dhe çdo shërbim që fëmijët marrin në qendër është FALAS, kjo falë mbështetjes dhe financimit të Bashkisë Fier dhe Qeverisë Shqiptare.
– Dokumentet që nevojiten për regjistrim janë:
Diagnoza ose Vërtetimi i KEMP-it/rekomandim nga mjeku i familjes
Kartela e vaksinimit
Certifikata personale
Certifikata familjare
Karta e identitetit e prindit/familjarit që do të shoqërojë fëmijën për t’u regjistruar.
Regjistrimet për klasën e parë bëhet online në e-Albania dhe janë të hapura deri më datë 07 shtator 2026.
Për informacione më të hollësishme kontaktoni në numrin e sekretarisë:
069 81 54 769
apo të drejtuesit të Qendrës: 069 33 52 462