Një sipërfaqe e konsiderueshme me pisha, ullinj dhe shkurre është përfshirë nga flakët mesditën e sotme në Çërrilë të Mallakastrës.
Në vendngjarje ndodhen forcat zjarrfikëse të Mallakastrës, efektivë të Policisë dhe banorë të zonës, të cilët janë angazhuar në përpjekjet për neutralizimin e flakëve.
Ndërhyrja po vështirësohet nga terreni i thyer, ndërsa zjarri ndodhet larg zonave të banuara dhe për momentin nuk raportohet rrezik për banesat.
Forcat në terren vijojnë punën për vënien nën kontroll të situatës.