Ish-ministri i Shëndetësisë, Ilir Beqaj, është liruar nga burgu pas dy vitesh në qeli, dhe do të vijojë masën e sigurisë “arrest në shtëpi”.

Gazetarja e Top Channel Anila Hoxha bën me dije se vendimi është marrë nga gjykata pas shqyrtimit të kërkesës së Beqajt për shuarjen e masës “arrest në burg”, me argumentin se janë tejkaluar afatet e paraburgimit.

Beqaj ndodhej në masën e sigurisë “arrest në burg” në kuadër të hetimeve për dosjen e SASPAC, ndërsa tashmë do të qëndrojë në masën më të lehtë të sigurisë, “arrest në shtëpi”.

Në këtë fund muaji vendi ynë është përballur me një tjetër valë çmimesh të larta të karburanteve duke u shtrenjtuar më tej.

Tensionet në Lindjen e Mesme kanë shtyrë çmimin e naftës në bursat ndërkombëtare rreth 90 dollarë për fuçi, duke sjellë valën e re të shtrenjtimit edhe në tregun vendas. Kjo fundjavë i gjen drejtuesit e automjeteve përballë një tjetër rritjeje të çmimeve. Nafta është rritur me 8 lekë për litër, ndërsa benzina me 10 lekë. Një ndryshim që përkthehet menjëherë në më shumë kosto për çdo furnizim dhe për çdo kilometër të përshkuar.

• Neutralizohet vatra në masivin pyjor të Peshtanit, digjen 7 dynymë shkurre
• Aksident tragjik në Lushnjë, automjeti del nga rruga dhe përfundon në kanal! 2 motra humbin jetën
• Vënia nën kontroll e flakëve, shefi i emergjencave pranë Prefekturës Fier: Po monitorojmë të gjithë perimetrin e vatrave të zjarrit

Kjo rritje e çmimeve reflektohet edhe në bursën Platts të Mesdheut së cilës i referohemi. Në datë 27 korrik nafta u importua për 1311 dollarë për ton ndërsa në datë 30 korrik u zhdoganua për 1393 dollarë për ton. Në bursë nafta brent luhatet në vlerën e 90 dollarëve për fuçi.

Kjo rritje e çmimeve në këtë periudhë të sezonit turistik rëndon edhe më shumë xhepat e qytetarëve të cilët i përdorin automjetet e tyre me naftë apo benzinë për rrugë të gjata si pasojë e pushimeve. Ndonëse vërehet një rritje e vazhdueshme e çmimeve ende nuk ka një njoftim për ringritjen e bordit të transparencës nga Këshilli i Ministrave. Një situatë e tillë ka ngritur dhe shqetësimin e të shoqatave të transportit të cilat rikërkojnë subvencionimin. Ndërkohë vendet e rajonit kanë ndërhyrë prej javësh tashmë për të zbutur goditjen te konsumatorët. Serbia riktheu tavanet për çmimet e karburanteve, ndërsa Mali i Zi uli përkohësisht akcizën, duke mbajtur çmimin e naftës rreth 1.65 euro për litër.

Nëse në vendet fqinje qeveritë kanë zgjedhur të ndërhyjnë për të zbutur efektet e shtrenjtimit, në Shqipëri barra fiskale vijon të mbetet një nga arsyet kryesore që karburanti kushton më shtrenjtë. Dhe për sa kohë tensionet në tregjet ndërkombëtare vazhdojnë, drejtuesit e mjeteve rrezikojnë të përballen me rritje të tjera të çmimeve./ Top Channel

Policia e Tiranës, që prej mesditës së djeshme, ka shpallur në kërkim Rosela Nallbatin alias Çapjan dhe babain e kësaj të fundit, Romir Nallbatin, pasi kanë goditur me sende rrethanore gazetarin Elton Qyno.

Sipas mediave, raportohet se ngjarja ka ndodhur për shkak të detyrës së gazetarit, i cili prej më shumë se 21 vitesh ka ushtruar detyrën e gazetarit të Kronikës së Zezë në disa nga mediat kryesore të vendit.

Ngjarja e rëndë është regjistruar në ambientet e Spitalit Amerikan 3 në Tiranë, ku gazetari Qyno kishte shkuar për të kontaktuar një nga doktorët e këtij spitali. Në befasi dhe në prezencë të dhjetëra personave, gazetari është ndeshur menjëherë me veprime të dhunshme nga ana e një shtetaseje të panjohur prej tij, që më vonë është identifikuar si Rosela Nallbati alias Çapja.

Pas verifikimeve të bëra nga oficerët e Komisariatit nr. 6 në Tiranë, Rosela Çapja rezultoi të jetë gruaja e Florenc Çapjas, një personazh i botës së krimit në Elbasan, i dënuar me burgim të përjetshëm për vrasjen e babë e bir, Gentian Beqiri dhe Nezir Beqiri. Njëherësh, Florenc Çapja është dënuar nga Gjykata e Posaçme edhe për sigurimin e kushteve për të kryer vrasjen e Sokol Sanxhaktarit.

Prej ditës së djeshme, Policia e Tiranës ka kryer një seri veprimesh për ta lokalizuar dhe ndaluar Nallbatin, por deri në këto momente nuk është bërë e mundur një gjë e tillë, për shkak të fshehjes së saj. Nga ana tjetër, Policia e Tiranës ka sekuestruar pamjet filmike në ambientet e Spitalit Amerikan, duke dokumentuar të gjitha veprimet kriminale të Nallbatit.Kontrolle janë kryer në disa zona, përfshirë edhe në banesën e saj në Elbasan, por nuk është bërë e mundur të gjendet.

Jola Hysaj dy ditë më parë është emëruar drejtuesja e re e Agjencisë Kombëtare të Turizmit (AKT).

Hysaj, e cila më parë ka mbajtur detyrën e Sekretares për Marrëdhëniet me Publikun në Partinë Demokratike.

Ish-sekretarja e PD dha dorëheqjen nga ky funksion në mars të vitit 2026. Ajo zëvendëson Zana Çelën, e cila drejtonte Agjencinë Kombëtare të Turizmit që prej 9 shkurtit 2023.

Emërimi i Hysajt pritet të ndezë debat në skenën politike, pasi vjen pas angazhimit të saj të mëparshëm në Partinë Demokratike.

Ndoshta kjo lëvizje mund të shihet si një tjetër përpjekje e kryeministrit Edi Rama për të afruar në administratë figura që më parë kanë mbajtur funksione në opozitë.

Dy vizione krejt të kundërta për hartën administrative të vendit kanë mazhoranca e opozita, 15 bashki më pak thonë socialistët, 39 më shumë propozojnë demokratët.

Pasditen e së enjtes PD zbuloi draftin e saj propozohet një ndarje me 100 bashki, 12 qarqe dhe 6 rajone.

Për selinë blu shtimi i bashkive do të sjellë më shumë shërbime cilësore për qytetarët dhe menaxhim më të mirë të territorit, kështu propozon që të shtohen 39 njësi vendore të reja sidomos në qarqet Fier, Tiranë dhe Lezhë.

Shtimin më të madh të numrit të bashkive PD e propozon në qarkun e Fierit me 6 të tilla, si Fiershegan, Dushk, Ardenicë apo Cakran etj. Kështu Fieri bëhet qarku me numrin më të madh të bashkive në vend me 12 të tilla.

Në vend të dytë vjen qarku i Vlorës, që sipas PD duhet të ketë 11 bashki në territor, dhe propozon të shtohen Orikumi, Amantia, Ksamili dhe Novoselë.

Të tretët janë qarku i Tiranës dhe i Korçës, dhe nga 10 bashki secila. Konkretisht demokratët propozojnë 5 bashki të reja për Tiranën (Dajti, Petrela, Kashari, Ndroqi e Arbana) dhe 4 të tjera për Korçën (Leskovik, Voskopojë, Mokër e Pojan).

Në hartën e selisë blu propozohen 3 bashki të reja në qarkun Shkodër (Velipojë, Deivast, Koplik), 5 në qarkun Lezhë (Bregu i Matës, Orosh, Zadrimë, Mamurras e Rubik), në Dibër shtohen 4 bashki (Maqellarë, Lurë, Shupenzë e Kastriot).

Kurse qarqeve Kukës, Durrës, Elbasan dhe Berat sipas PD duhet t’u shtohen secilës nga dy bashki. Të vetmin qark që nuk prek reforma e propozuar nga demokratët është Gjirokastra të cilën e lë me 7 bashki, aq sa ka aktualisht.

PD ndryshe nga PS nuk e shoqëron me sqarime këtë ndarje territoriale që propozon, por në mesazhin që Luçiano Boçi iu ka dërguar demokratëve thuhet vetëm: “Të nderuar deputetë me miratim të Kryetarit të PD dhe të Kryetarit të grupit ju përcjell listën e bashkive të paraqitur në raport nga ekspertët tanë”.

Më herët gjatë së enjtes, pasi PS publikoi hartën e saj me 46 bashki, Bashkëkryetari i Komisionit të Reformës Territoriale, Luçiano Boçi, e kundërshtoi atë duke e cilësuar ‘një projekt politik që synon centralizimin e pushtetit vendor’.

Sipas tij, “nuk ka asnjë provë që bashkitë më të mëdha japin shërbime më të mira”, teksa shton se me këtë reformë të re rrezikohet të thellohet edhe më shumë shpopullimi që prodhoi reforma e 2014-ës.

Më tej Boçi e cilësonte draftin si “një thikë pas shpine për qytetarët” dhe bënte thirrje për protesta kundër reformës së propozuar.

Dokumenti i plotë