Tensionet janë përshkallëzuar ndërsa një pjesë e protestuesve u zhvendosën nga sheshi para Kryeministrisë te Universiteti Politeknik.

Protestuesit dhe rojet e universitetit janë përplasur fizikisht, ndërsa studentët kërkojnë të marrin sërish banderolën.

Tensionet erdhën pasi pak minuta më parë studentët në katin e sipërm të këtij universiteti shpalosën një banderolë ku shkruhej: Ju erdhi fundi.

Po mbahet sot në kryeqytet dita e 30 e protestës qytetare.

Protestuesit u grumbulluan si zakonisht në sheshin ‘Skënderbej’, për të vazhduar marshimin në bulevard dhe për t’u stacionuar para Kryeministrisë.

Gjatë marshimit pranë ‘Fan Zone’, ata u kanë bërë thirrje tifozëve të bashkohen me ta në protestë.

Siç mëson gazetarja e Top Channel Dorjana Bezat, eurodeputetët e pranishë sot në protestë janë: Tineke Strik, Daniel Freund, Cristina Guarda, Jutta Paulus dhe Anna Strolenberg, të ardhur nga Gjermania, Holanda dhe Italia.

Po ashtu mësohet se sot gjatë ditës janë mbajtur disa takime nga grupe të ndryshme koordinatorësh për protestën, ndërsa pritet që studentët në ditën e 30-të të vinë me një baner ‘surprizë’.

Ashtu si dhe ditët e tjera, qytetarët kanë improvizuar një podium para zyrës së Kryeministrit Rama, aty ku pritet të mbajnë edhe fjalimet.

Ndërkohë më herët gjatë ditës së sotme policia ka proceduar penalisht 31 persona pas protestës së djeshme, dhe sipas uniformave blu ata akuzohen për organizim dhe pjesëmarrje në grumbullime e manifestime të paligjshme, prishje të rendit dhe qetësisë publike, si dhe pengim të qarkullimit të mjeteve të transportit.Top Channel

Avokati Kujtim Cakrani nuk do të përfaqësojë më Ilir Metën si avokat. Lajmi është bërë me dije nga Studio Ligjore Cakrani, duke thënë se marrëdhënia me kreun e Partisë së Lirisë është mbyllur për shkak të humbjes së mirëbesimit reciprok dhe mungesës së bashkëpunimit mes palëve.

“Sot, më datë 29 Qershor 2026, Studio Ligjore “Cakrani” njofton publikun se marrëdhënia klient–avokat me z. Ilir Metaj ka ardhur në fund. Shkëputja e kësaj marrëdhënieje vjen si pasojë e humbjes së mirëbesimit reciprok dhe mungesës së bashkëpunimit të nevojshëm ndërmjet klientit dhe mbrojtësit ligjor, gjendje kjo e evidentuar sidomos pas seancës së fundit gjyqësore të çështjes në themel.”, thuhet në deklaratë.

Studioja Ligjore thekson se vendimi është marrë në përputhje me Kodin e Etikës së Dhomës së Avokatisë dhe legjislacionin në fuqi, duke sqaruar se nuk ekziston asnjë konflikt interesi, akuzë apo përplasje mes palëve.

“Theksojmë se kjo shkëputje bëhet plotësisht brenda normave të etikës dhe deontologjisë profesionale të avokatit, në zbatim të Kodit të Etikës së Dhomës së Avokatisë dhe legjislacionit në fuqi.

Nuk ka asnjë konflikt interesi, akuza reciproke apo qëndrim polemik nga asnjëra palë. Vendimi pasqyron thjesht dhe vetëm mungesën e kushteve objektive të domosdoshme për vazhdimin e një mbrojtjeje ligjore efektive.

”Në përfundim, Studio Ligjore “Cakrani” i uron ish presidentit Meta të gjejë përfaqësimin e duhur ligjor dhe garanton se do të respektojë konfidencialitetin e plotë të të gjitha informacioneve të marra gjatë ushtrimit të mandatit si avokat mbrojtës.

“Studio Ligjore “Cakrani” i uron z. Metaj gjetjen e përfaqësimit ligjor të duhur dhe respekton të drejtën e tij kushtetuese dhe konvencionale për gjykim të drejtë. Gjatë gjithë periudhës së bashkëpunimit, avokati Kujtim Cakrani ka vepruar me integritet profesional të plotë dhe do të ruajnë, si e kërkon ligji, konfidencialitetin e informacioneve të fituara gjatë ushtrimit të mandatit.”

© Panorama.al

“Babai ynë vdiq para syve tanë, pa bërë askush asgjë për ta ndihmuar.” Këto fjalë të dhimbshme përfundojnë padinë e ngritur nga familja e Gjergji Lalës, 78 vjeç, aktorit të njohur shqiptar, në Tiranë dhe Itali, kundër Poliklinikës Umberto I, i cili ndërroi jetë më 16 qershor.

Prokuroria tani ka hapur një hetim për vrasje të paqëllimshme për vdekjen e 78-vjeçarit, i cili erdhi për të kërkuar fatin e tij në Itali pothuajse një epokë më parë.

Ende nuk ka të dyshuar. Përpara se të vazhdojë me ndonjë akuzë të mundshme, Prokuroria synon të lexojë së pari gjetjet e autopsisë. Kjo ndodh edhe sepse kur ai mbërriti në Poliklinikë, gjendja shëndetësore e aktorit ishte shumë komplekse, megjithëse jo aq serioze sipas familjes së tij, sa të sugjeronte se situata mund të përshkallëzohej në mënyrë tragjike.

Vështirësia e Lalës filloi më 14 maj, kur djemtë e tij, Renato dhe Klaudio, e çuan atë në urgjencën e Spitalit Frosinone me një status të kodit blu për shkak të një komplikacioni në veshka. Aktori, familja e të cilit ndihmohet nga avokati Carlo Maria Consalvo, i ishte nënshtruar një operacioni shpëtimtar për një tumor në fshikëz disa javë më parë. Pas tetë orësh, ekipi mjekësor i spitalit vendosi ta transferonte Lalën në Poliklinikën Umberto I. Situata kërkonte masa të përshtatshme duke pasur parasysh ashpërsinë e rastit. Në spitalin Umberto I, u vendos që Lala të pranohej me status të kodit të kuq.

Gjatë qëndrimit të tij në spital, u zbuluan disa komplikacione. Ndër më të dukshmet ishte një frakturë e femurit. Se si e pësoi Lala është një mister. A ishte në spital? Apo më parë? Dhimbja nga lëndimi sigurisht që e bëri të vuante. Ai iu nënshtrua një operacioni për të ripozicionuar kateterin në veshkën e tij dhe pas operacionit, ai u infektua me bakterin Klebsiella. Ai u shërua brenda njëzet ditësh. Por aktori mbeti i dobësuar. Që nga ai moment, gjendja e tij fizike u përkeqësua me shpejtësi. Ai u infektua përsëri me një bakter, i cili, sipas familjes ishte fatal. Zyra e prokurorit tani po heton shkakun e vdekjes së tij.

Top Channel