Ka mbërritur ditën e sotme në Shqipëri trupi i pajetë i 21-vjeçarit Mateo Llupi (Shametaj) i cili u qëllua për vdekje para pak ditësh në Suedi.

Mësohet se trupi i të riut është kthyer në atdhe për t’u përcjellë për në banesën e fundit në Fier. Po ashtu mësohet se familja Llupi (Shametaj) ka hapur dyert e mortit. Cermeonia mortore për 21-vjeçarin do të kryhet ditën e nesërme në prën 11:00, në lagjen Afrim i ri, rruga e Semanit.

Kujtojmë se ngjarja e rëndë ndodhi pak ditë më parë në Suedi, ku 21-vjeçari humbi jetën si pasojë e të shtënave me armë zjarri, ndërsa mbeti e plagosur 25-vjeçarja e cila ishte me të.

Autoritetet suedeze kanë nisur hetimet për zbardhjen e plotë të rrethanave të krimit dhe identifikimin e autorëve të dyshuar.

Ndërsa deri më tani rrethanat e tragjedisë mbesin të paqarta.

Vdekja tragjike e të riut ka lënë pas një plagë të madhe për nënën e tij Matilda, babain Arbenin dhe vëllain Tekin.

newsbomb.al

Ditën e sotme, në ambientet e Drejtorisë Vendore të Policisë Fier, zëvendësdrejtori i Përgjithshëm i Policisë së Shtetit, Drejtues i Lartë Sokol Bizhga, prezantoi drejtorin e ri të caktuar në detyrë, Drejtues Erion Ahmeti.

Këtë detyrë e mbante më parë kryekomisar Oliger Torba, i cili është emëruar në detyrën zëvendësdrejtor për Hetimin e Krimit, në Drejtorinë Vendore të Policisë Tiranë.

Drejtori i Drejtorisë Vendore të Policisë Fier, Drejtues Erion Ahmeti, gjatë prezantimit, ka theksuar se ligjshmëria dhe shërbimi ndaj qytetarëve janë dy parimet kryesore në punën e tij. Gjithashtu, ai kërkoi angazhim maksimal nga drejtuesit dhe efektivët e Drejtorisë Vendore të Policisë Fier, për të parandaluar dhe luftuar krimin, si dhe për t’u shërbyer sa më mirë qytetarëve.

Drejtori i Përgjithshëm i Policisë së Shtetit Skënder Hita, ka firmosur sërish një sërë ndryshimesh në Policinë e Shtetit.

Lëvizje të reja janë bërë në strukturat drejtuese të Policisë në qarkun Fier.

Kështu, drejtor është komanduar Erion Ahmeti, ndërsa shef komisariati Gerald Toska. Ky i fundit zëvendëson Anesti Salaj.

Lushnjë /

Informacion paraprak

Rreth orës 18:25, në aksin rrugor “Lushnjë–Fier”, shtetasi Z. H., 50 vjeç, duke drejtuar automjetin, është përfshirë në një aksident rrugor me një motomjet, me drejtues shtetasin A. T., 28 vjeç.

Si pasojë e aksidentit është dëmtuar drejtuesi i motomjetit, shtetasi A. T., i cili ndodhet në spital për ndihmë mjekësore, në gjendje të rëndë shëndetësore.

Grupi hetimor ndodhet në vendngjarje dhe po punon për sqarimin e plotë të rrethanave të aksidentit.

Një i burgosur ka ndërruar jetë mëngjesin e sotëm teksa është ndjerë keq në Institucionin e Ekzekutimit të Vendimeve Penale në Fier.

Bëhet fjalë për shtetasin Luan Sali Bundo, 69 vjeç, i cili vuante dënimin në IEVP Fier që prej datës 6 gusht 2021, i transferuar nga institucioni “Jordan Misja”.

Sipas të dhënave, ai kishte disa probleme shëndetësore dhe trajtohej për hipertension arterial, diabet, hipertrofi të prostatës, çrregullim ankthi dhe hiperuricemi.

Mësohet se Bundo është transportuar mëngjesin e sotëm drejt Spitalit Rajonal Fier, me puls, por pavarësisht ndërhyrjeve, ka ndërruar jetë.

Më pas trupi është dërguar në morg.Pritet ekspertiza mjeko-ligjore për të përcaktuar shkakun e saktë të vdekjes.

Kryeministri Edi Rama ndau sot në rrjetet sociale pamje nga ecuria e punimeve në aksin rrugor Fier–Kthesa e Patosit–Fratar.

Rama shprehet se ky është një segment i rëndësishëm për zhvillimin e mëtejshëm të zonës së Mallakastrës.

Kreu i qeverisë thekson se aksi rrugor prej 43.6 kilometrash pritet të përmirësojë ndërlidhjen dhe të nxisë zhvillimin ekonomik lokal.

Pjesë e projektit rrugor është edhe ndërtimi i trotuareve, si edhe pajisja e rrugës me ndriçim dhe sinjalistikë.

Investimi në infrastrukturën rrugore do të nxisë zhvillimin e sipërmarrjeve agroturistike për gjithë zonën ku kalon gjurma e kësaj rruge.