Në Muzeun Historik të Fierit është prezantuar Libri “Historia e Apollonisë së Ilirisë”, me autor arkeologun dhe profesorin e asociuar Bashkim Vrekaj.
Vepra trajton në mënyrë të plotë jetën politike, kulturore, ekonomike të qytetit antik të Apolonisë.
Libri me autor arkeologun dhe profesorin e asociuar Bashkim Vrekaj, është prezantuar në ambientet e Muzeu Historik Fier, duke tërhequr vëmendjen e studiuesve dhe dashamirësve të historisë.
Kjo vepër trajton në mënyrë të plotë jetën politike, kulturore, artistike, fetare, sociale dhe ekonomike të qytetit antik të Apolonisë, një nga qendrat më të rëndësishme të qytetërimit ilir dhe më gjerë.
Vetë autori, Bashkim Vrekaj, thekson se vlerat e kësaj vepre qëndrojnë në bazimin e saj mbi dokumente dhe zbulime arkeologjike të realizuara ndër vite në Apoloni.
Historiani Ilirian Gjika vlerëson librin si një kontribut të rëndësishëm jo vetëm për studiuesit, por edhe për publikun e gjerë, duke nënvizuar rëndësinë e tij në edukimin historik të brezave të rinj.
Edhe arkeologu Admir Xhelaj, i lidhur me Parkun Arkeologjik të Apolonisë, thekson se libri sjell fakte të rëndësishme, duke evidentuar se qyteti i Apolonisë ka një diferencë kohore pesë vjeçare në themelim krahasuar me Dyrrahun.
“Historia e Apollonisë së Ilirisë” mbetet një vepër me vlera të mëdha, e ndërtuar mbi prova dhe zbulime konkrete arkeologjike, që ndihmon në njohjen më të thellë të një prej qyteteve më të rëndësishme të lashtësisë në territorin shqiptar.
Detaje të reja janë zbardhur nga ngjarja e rëndë që tronditi fshatin Kuman të Roskovecit, ku 80-vjeçari Shefit Rrapaj vrau me armë gjahu bashkëshorten e tij 75-vjeçare Dashuri Rrapaj dhe më pas i dha fund jetës.
Sipas burimeve policore, djali i çiftit Rrapaj ka deklaruar në polici se në momentin e ngjarjes ishte në Fier për një konsultë mjekësore, informacion ky që është konfirmuar edhe nga kamerat e sigurisë.
Burimet bëjnë me dije se konflikti i fundit brenda familjes ka ndodhur rreth 10 ditë më parë, kur i ati, 80-vjeçari Rrapaj, i kishte reaguar djalit pas hedhjes së plehut mbi patatet e mbjella në oborr.
“Pse u hedh pleh patateve”, mësohet se i ka thënë viktima të birit.
Mësohet se i ati ishte person me karakter konfliktual, ndërsa nëna, Dashuria, gjithmonë i dilte në krah të birit. Zënka e fundit kishte përfunduar në Komisariatin e Rroskovecit, por duket se tensioni brenda familjes ka mbetur i lartë.
Pas kthimit nga Fieri, djali ka gjetur prindërit e tij të pajetë në banesë. Fillimisht ai ka njoftuar një kushërir, ndërsa më pas ka lajmëruar policinë.
Sipas burimeve, arma e përdorur është e tipit të vjetër dhe dyshohet se kishte qenë e fshehur nën tokë që nga viti 1997.
Policia ka konstatuar se arma ishte shkrepur dy herë: një plumb i ka marrë jetën Dashurisë, ndërsa plumbi tjetër i ka shkaktuar vdekjen të atit, i cili më pas dyshohet se ka kryer vetëvrasje.
Një aksident ka ndodhur pak minuta më parë në aksin e vjetër Fier- Lushnje, pranë fshatit Vajkan ku dy automjete, një tip “ Benz” dhe një kamionçinë janë përplasur me njëra-tjetrën.
Korrespondenti i Top Channel Neritan Trifoni bën me dije se si pasojë e goditjes së fortë kanë mbetur të lënduar dy persona të cilët janë transportuar me urgjencë drejt spitalit rajonal Fier dhe fatmirësisht ndodhen jashtë rrezikut për jetën.
Ndërkohë policia dhe grupi hetimor ndodhen në vendngjarje për të përcaktuar shkaqet e këtij aksidenti.
Lajm i Minutave te fundit nga Qyteti i Roskovecit ku mesohet se nje e moshuar ka nderruar jete nga plaget e marra me arme zjarri te shtena nga bashkeshorti i saj i cili me pas ka qelluar dhe veten. Ky eshte njoftimi i Policise Fier:
Fier/ Informacion paraprak
Rreth orës 14:30, shtetasi Sh. Rr., rreth 80 vjeç, banues në fshatin Kuman, Roskovec, dyshohet se ka vrarë me armë zjarri (pushkë), në banesë, bashkëshorten e tij, shtetasen D. Rr., rreth 75 vjeçe, dhe më pas ka vrarë veten.
Grupi hetimor ndodhet në vendngjarje dhe po punon për sqarimin dhe dokumentimin e plotë të rrethanave të rastit.
Peshku Para ose njohur ndryshe peshku Gjyle, peshku më helmues i ujërave të kripura, kapet për here të dytë nga rrjetat e peshkatarëve të Vlorës.
Ky konsiderohet një peshk tepër i rrezikshëm.
Drejtuesi i Portit të Peshkimit Radhimë Sherif Dyrmishi thotë se peshkatarët dhe qytetarët duhet të jenë të kujdesshëm, pasi kontakti me të, edhe vetëm nëpërmjet prekjes mund të rezultojë fatal.
Në Spitalin Rajonal Memorial Fier, Shërbimi i Kirurgjisë së Përgjithshme vijon që të ofrojë ndërhyrje moderne, falë profesionalizmit të stafit dhe teknologjisë së avancuar, duke përmirësuar cilësinë e jetës së pacientëve.
Ministria e Shëndetësisë dhe Mirëqenies Sociale, bëri të ditur se mjekja Artiola Todaj, pjesë e ekipit spitalor prej disa mujash, realizoi me sukses trajtimin e një hernie inguinale me laparoskopi.
Trajtimi i hernies inguinale me laparoskopi është një teknikë minimale invazive, ku përmes incizioneve të vogla dhe një kamere, mjeku riparon defektin e murit muskulor duke vendosur një rrjetë, çka mundëson rikuperim më të shpejtë, më pak dhimbje dhe plagë më të vogla se kirurgjia e hapur.
Spitali Rajonal Memorial Fier është investim i Turqisë, ofron shërbime të nivelit terciar për të gjithë rajonin e jugut të vendit.
Me një kapacitet prej 150 shtretërish, ky spital aplikon për herë të parë në vend modelin e autonomisë spitalore.
Spitali ofron shërbime në urgjencë, kirurgji, neurokirurgji, kirurgji kardiovaskulare, mjekësi interne, kardiologji, neurologji, sëmundje infektive, pneumologji, ortopedi dhe traumatologji.
Ecuria e tregut të punës në Shqipëri për vitin 2025 tregon se teksa ekonomia rritet, vendet e reja të punës janë ekskluzivitet i vetëm për pensionistët.
Të dhënat zyrtare të INSTAT tregojnë se numri mesatar i të punësuarve ishte 4,886 persona më i ulët se në vitin 2024, me rënie -0.4%.
Sipas të dhënave, rritja e vetme pozitive në të gjithë strukturën e punësimit vjen nga kategoria mbi 64 vjeç, e cila ka pësuar zgjerim me 8.7%, duke shtuar mbi 10 mijë persona të moshuar në radhët e të punësuarve brenda një viti.
Ky trend ka zhvillime krejt të kundërta me grup-moshat e tjera, ku numri i të punësuarve 15-64 vjeç ka pësuar një tkurrje me 15,298 persona në krahasim me 2024.
Nëse pensionistët nuk do të përfshiheshin në raportim shifrat e punësimit total do të shënonin një rënie shumë të fortë.
Kjo zhvendosje demografike tregon se struktura e popullsisë po plaket me ritme të shpejta, duke detyruar tregun të adaptohet me forcën e punës që ka në dispozicion. Ndërsa të rinjtë e moshës 15-29 vjeç po zhduken nga radhët e të punësuarve me një rënie vjetore prej 4.3% në 2025 për shkak të uljes së lindjeve dhe emigracionit të lartë, pensionistët po kthehen në rezervën e fundit ku biznesmenët mund të gjejnë staf.
Rritja e punësimit te pensionistët, ndonëse po shërben si një frymëmarrje artificiale për tregun e punës, fsheh pas pasojat e rënda që do të vijnë për skemën e sigurimeve shoqërore dhe qëndrueshmërinë fiskale të vendit.
Raporti mes kontribuuesve dhe përfituesve po shtrembërohet në mënyrë të rrezikshme, teksa forca aktive 15-64 vjeç po tkurret me mbi 18 mijë persona në vit, barra për të mbajtur sistemin po bie mbi një bazë gjithnjë e më të vogël të rinjsh.
Në planin afatshkurtër, punësimi i moshës mbi 64 vjeç duket si një ndihmë për arkën e shtetit, pasi këta individë vazhdojnë të paguajnë kontribute ndërsa marrin pension. Megjithatë, kjo zgjidhje ku brezi i vjetër po punon për të financuar veten, për shkak të mungesës së zëvendësimit nga forca e re e punës që po emigron nuk ofron siguri në afat më të gjatë.
Mbështetja tek pensionistët për të plotësuar vendet e punës që lënë të rinjtë po tregon se ekonomia po përshtatet me rënien, jo me rritjen. Presioni mbi buxhetin e shtetit do të rritet, duke detyruar ose rritjen e mëtejshme të moshës së daljes në pension, ose rritjen e taksave mbi ata pak të rinj që mbeten në vend./ Monitor
Kam shkruar edhe me pare per Majacin e famshem te futbollit fierak e atij shqiptar.
Por dje teksa pashe se si populli i Fierit te cilin ai e donte dhe e respektonte aq shume ishte mbledhur ne qender te qytetit e ne shenje respekti e mirenjohje e me lot ne sy por edhe me tufa lulesh nder duar vendosur reth statujes se tij …perkujtonte ditelindjen e idhullit te tij u preka shume.
Eshte veshtire te hysh ne zemren e popullit e te fitosh respektin e tij ne kesi lloj forme si Majaci…por ama po hyre nuk del dot me kurre.
Eshte veshtire dhe unikal edhe ne bote rasti kur nje qytet i tere vesh te njejten kemishe si tenden per tu identifikuar me ty …thjesht prej respektit e mirenjohjes per ty …dhe kjo ka ndodhur mes Apollonise – Majacit e qytetit te tij Fierit.
E them kete sepse rasti Majaci eshte unikal ne Shqiperi…ai eshte i vetmi futbollist deri me sot ne Shqiperi per te mos thene i vetmi sportist te cilit populli i ka gritur statuje nderi ne mes te qytetit .
E meriton Majaci…sigurisht per ate c’ ka beri per qytetin e bashkeqytetaret e tij ne ato vite kur luajti futboll e per ato lloj gezimesh te rralla qe ju dha atyre ne ato kohe te veshtira ai mbetet vertet i pa perseritshem, i pa krahasueshem e i pa vdekshem ndaj dhe fieraket me te drejte e perjetesuan me ate shtatore ne mes te qytetit qe i ben nder jo vetem kujtimit te Kujtim Majacit por se pari edhe vete qytetit te Fierit e historise se tij…e pa diskutim edhe futbollit fierak e atij shqiptar.
Une nuk e di saktesisht se cfare titujsh te larte qytetar e sportiv i jane akorduar nder vite Majacit nga Bashkia e Fierit a Federata e futbollit por nje gje e di me siguri absolute …qe titullin me te larte birit te vet …perjetesimin ne nje shtatore aq te hijeshme sportive ja ka dhene populli i tij …dhe kjo gje eshte mbi cdo lloj tjeter nderimi e respekti e mbi cdo lloj titulli, medalje e dekorate .
U lind ne Fier ne mes- Marsin e 1962 ne nje familje kosovare vendosur heret ne ate qytet.
Qysh ne moshen 14 vjecare ne 1976 atashohet prane te rinjve te Apollonise ku luan per 4 vjet dhe shkelqen e bie ne sy dukshem per talentin e tij.
Sulmues rrace, i forte fizikisht, teknik, nuhates goli, vrastar para porte , gjuajtes e shenues me te dyja kembet por edhe me koke …goleshenues i lindur e tipik…shume korrekt ne fushen e lojes si me kundershtaret po ashtu edhe me arbitrat e publikun ….model thjeshtesie e miresjellje.
Ne 1980 ben pjese tek Apollonia e te rriturve dhe vesh fanellen bardhe – jeshile te cilen per 12 vjet resht deri ne 1992 kur i vari kepucet ne gozhde…e mban me nder si askush tjeter.
Majaci – Apollonia – Fieri ishin trinomi me i bukur futbollistik i atyre viteve …kur ne Shqiperi luhej futboll i vertete e kur per titullin kampion rivalizonin pothuajse gjysma e skuadrave pjesmarrese ne kampionat e mes tyre edhe Apollonia e Majacit .
Luajti 300 ndeshje dhe shenoi 174 gola …shume vertet e per tu patur zili nje bilanc i tille prej cdo lloj sulmuesi te cdo vendi europian.
Regjistroi 2 ndeshje te kupave europiane ne shtator te 1989 kunder Okser te Frances .
E veshi tre here fanellen e Kombetares se Shqiperise …ne nje miqesore kunder Greqise ne Tirane ne 1989 si dhe ne dy ndeshje zyrtare …kunder Anglise ne 1989 dhe kunder Frances ne 1990…shume pak per te ne krahasim per aq sa meritonte …por te tilla qene kohet atehere .
Nuk ka ekip te mos kete pesuar gol ne Fier nga Majaci…tmerri i portiereve shqiptare te dekades 80-90.
Ishte aso kohe nje Apolloni e bukur vertet por edhe e pa perseriteshme e trajnerit te pa harruar V.Capo…me Stefen, Tegun, Papuciun, Biten, Mahmutajn, Pocin, Stronin, Veliajn, Tolen, Haxhiajn, Kokurin e Majacin.
Vec te tjerash personalisht kam e ruaj edhe nja dy kujtime disi te vecanta me te mirin, te urtin, te sjellshmin, te qeshurin, njerezorin e te thjeshtin si rralle kush Kujtim Majaci …
…Luanim ne Fier ne vitin 1989 …nje ndeshje e shume pritur …Apollonia – 17 Nentori ( i asaj kohe ) gjate ndeshjes nje gjysem tulle fluturon nga tribuna vendase e bie mbi pankinen tone …u cuam vrrik ne kembe te gjjthe por edhe u trembem e dolem nga pankina qe shyqyr qe mbulesen e kish prej llamarine …trajner ishte Shyqyri Rreli ( rahmet paste ).
Loja u nderpre…erdhi policia , erdhen prane nesh lojtaret e te dyja ekipeve, gjyqtaret etj…
Ne kete situate pashe Majacin qe doli nga fusha e lojes, kaperceu murin, gardhin a telat rethues e u ngjit ne tribune e vajti pikerisht mes tifozave e vendit nga u hodh gjysma e tulles ne drejtim te pankines sone.
Foli disa minuta me ta…e pastaj i shoqeruar me ovacione e thirrje te emrit te tij u rikthye serisht ne fushe por se pari ne pankinen tone ku duke na kerkuar falje e duke na perqafuar na siguroj te rrinim te qete e te sigurte se pasketaj asgje per keq nuk do te mund te perseritej me…ky ishte Majaci dhe i tille ishte autoriteti i tij sportiv e njerezor ne Fier.
…Para ndeshjes me Francen ne Tirane i kerkoj te benim nje interviste te shkurter bashke…u skuq e u duk sikur u be me turp…
Po lerme mua o Dosti me tha…une jam lojtar rethesh…ik e merr ata te Tiranes, Dinamos e Partizanit ata jane kapot e Kombetares …me tha …me shume modesti e sinqeritet .
Ti je ti e ata jane ata qe jane i thashe dhe e kapa ne qafe…ju be qejfi shume…qeshi sic dinte te qeshte Kujtim Majaci teksa i qeshte krejt fytyra.
E beme intervisten dhe e botova te nesermen e u prit mire pasi 3 pyetjeve te mija ai ju pergjigj thjesht, profesionalisht e mencurisht .
Edhe pasi e la futbollin e luajtur ai nuk ju nda Apollonise se tij te dashur madje per pak kohe edhe u ul ne pankinen e saj si trajner.
Ate dite Vere te 2009 kur mora vesh lajmin e trishte te largimit te tij tragjik e shume te parakohshem nga kjo bote …e pra ishte vetem 47 vjec …teksa ndodhej me pushime buze Semanit se bashku me familjen e tij u trondita shume …nuk doja ta besoja sikurse vazhdoj te mos e besoj edhe sot e kesaj dite…
E megjitheate me ngushellon fort nje shprehje e mencur dhe e hereshme arabe qe thote se…te rrojme gjate ne kete bote s’eshte ne doren tone por ama qe emri te na rroje gjate kjo eshte plotesisht ne doren tone.
I tille ishte e mbetet Majaci yne i mire …i pa harruar…ai, emri i tij si dhe kujtimet qe la pas .
