Në tremujorin e fundit të vitit të kaluar numri i punonjësve në sektorin shtetëror u zgjerua më tej duke arritur në 186,581 persona, teksa numri mesatar për të gjithë vitin 2025 ishte 185,386  punonjës.

Sipas të dhënave zyrtare te INSTAT në krahasim me vitin 2024 administrata publike u zgjerua me rreth 3 mijë punonjës ose me 1.6% më shumë, duke shënuar nivelin më të lartë në që nga viti 2002.

Në vitin 2002, vendi numëronte mbi 3 milionë banorë dhe shërbehej nga rreth 186 mijë punonjës publikë. Vitin e kaluar, 23 vite më pas popullsia ka pësuar një rënie drastike prej 22%, duke zbritur në rreth 2.36 milionë banorë, një tkurrje që reflekton plagët e emigrimit dhe rënies së lindshmërisë.

Megjithatë, në vend që të ndiqte këtë trend rënës apo të reflektonte automatizimin e shërbimeve përmes investimeve qindra miliona eurosh në platforma digjitale, numri i punonjësve në administratë ka shënuar rritje të shpejtë sidomos pas vitit 2018.

Në vitin 2014, fondet për paga dhe kontribute për punonjësit e shtetit ishin rreth 71.4 miliardë lekë, ndërsa numri i të punësuarve në sektorin publik ishte rreth 163 mijë persona.

Njëmbëdhjetë vite më vonë, në vitin 2025, administrata publike numëron rreth mbi 185 mijë punonjës dhe shpenzimet buxhetore për personelin janë rritur në rreth 125.7 miliardë lekë.

Që nga 2024 në 2025, numri i punonjësve në sektorin shtetëror është zgjeruar me 12.7 për qind, ndërsa shpenzimet ndaj tyre janë rritur me 76 për qind.

Rritja nuk ka qenë vetëm në numrin e punonjësve dhe fondet për paga. Paralelisht, investimet për qeverisjen digjitale janë shtuar me ritme të shpejta në 6 vitet e fundit.

Në 2025, financimi për e-qeverisjen u rrit me tre herë brenda vitit, duke arritur në 20.1 miliardë lekë (mbi 200 milionë euro), nga rreth 3.3 miliardë lekë që jepeshin në vitin 2019, në një total prej 48.4 miliardë lekësh në 4 vjet, ose gati 500 mln euro.

Qeveria e ka paraqitur digjitalizimin si një nga shtyllat kryesore të modernizimit të administratës dhe përmirësimit të shërbimeve për qytetarët dhe bizneset. Të dhënat e tjera të Eurostat tregojnë se shqiptarët e përdorin e-qeverisjen më shumë se mesatarja e Bashkimit Europian, për shkak se shumë shërbime tashmë mund të merren vetëm online.

78% e qytetarëve shqiptarë ndërvepruan me autoritetet publike në mënyrë online gjatë 12 muajve të mëparshëm, në krahasim me 72% që ishte mesatarja e Bashkimit Europian.

Megjithë këto investime, shërbimet publike digjitale kanë shfaqur probleme serioze funksionimi gjatë muajve të fundit. Platforma kryesore e-Albania e shërbimeve elektronike për qytetarët dhe bizneset është përballur me ndërprerje të shpeshta, vonesa dhe pamundësi aksesimi, duke krijuar vështirësi reale në marrjen e dokumenteve, kryerjen e procedurave administrative dhe përmbushjen e detyrimeve ligjore këtë vit.

Kalimi i shërbimeve online duhet të kishte sjellë një administratë më të vogël, por shifrat dëshmojnë se për çdo qytetar që largohet nga vendi, barra e administratës mbi ata që mbeten bëhet gjithnjë e më e rëndë.

Në vitin 2003, kishte rreth 16 banorë për çdo punonjës shteti, ndërsa në vitin 2025 ky raport pritet të ngushtohet në më pak se 13 banorë për një punonjës, duke e kthyer sektorin publik në një strukturë të fryrë që nuk i përgjigjet realitetit të ri demografik dhe as modernizimit të paguar shtrenjtë nga taksapaguesit. /Monitor.al[

Ministria e Brendshme ka publikuar listën zyrtare me kandidatët për postin e Drejtorit të Përgjithshëm të Policisë së Shtetit.

Emrat janë bërë publikë në faqen zyrtare, ndërsa vihet re se mes aplikantëve janë dy gra.

Në garë janë dhe 4 drejtor qarqesh, Skënder Hita, Drejtor i Policisë Fier, Elidon Çela, Drejtor i Policisë Vlorë, Afrim Tafa, Drejtor i Policisë Durrës dhe Gentian Berberi, Drejtor i Policisë Shkodër.

Po ashtu është dhe Arjanit Arapi drejtor kufiri. Ndërsa nga akademia e sigurisë, konkurrojnë 6 kandidatë Alfred Çepe, Rebani Jaupi, Lorenc Panganika, Idejet Faskaj, Tonin Vocaj dhe Gentjan Shehaj.

Lista e plotë e aplikuesve: Afrim Tafa; Alfred Çepe; Arjanit Arapi; Ejona Gurbardhi; Elidon Çela; Gentian Berberi; Gentjan Shehaj; Idajet Faskaj; Lorenc Panganika; Neritan Nallbati; Pëllumb Seferi; Rebani Jaupi; Saimir Boshnjaku; Skënder Hita; Suela Sulkaj; Tonin Vocaj.

Pas vlerësimit të dosjeve me përgatitjen profesionale akademike, pastërtinë e figurës dhe pasurinë, kandidatët e vlerësuar sit ë përshtatshëm nga Komisioni i posaçëm i përbërë nga zv.ministrja e Brendshme, Silva Caka, Sekretari i Përgjithshëm i Ministrisë së Brendshme dhe kreu i AMP-së, Eduart Merkaj, do të intervistohen dhe do të vlerësohen me pikë.

Renditja në fund do ti dorëzohet ministrit të Brendshëm, Besfort Lamallari, i cili do t’i përcjellë kryeministrit Rama për të zgjedhur pasuesin e Ilir Prodës.

Proda qëndroi në këtë detyrë 17 muaj. Ai u largua pas protestës së 28 shkurtit, për shkak se nuk arriti të garantonte rendin dhe sigurinë, pasi protestuesit e opozitës arritën të hyjnë në ‘zemrën’ e qytetit, në zonën e ish-Bllokut dhe goditën me molotovë vilën e ish-diktatorit Enver Hoxha, brenda së cilës gjendeshin disa artistë të huaj.

Deri në zgjedhjen e drejtorit të ri, në detyrë është komanduar zëvendësdrejtori Sokol Bizhga. Përgjithësisht kandidatët në garë janë me karriere të gjatë në këtë fushë dhe që kanë mbajtur disa poste më herët.

Ministrja e Ekonomisë dhe Inovacionit, Delina Ibrahimaj, bashkë me Ministrin e Financave, Petrit Malaj dhe Ministrin e Infrastrukturës dhe Energjisë, Enea Karakaci, zhvilluan një takim me kompanitë kryesore të sektorit të hidrokarbureve dhe drejtuesit e Shoqatës së Hidrokarbureve

Takimi u zhvillua në kuadër të monitorimit të situatës së çmimeve të karburanteve dhe zhvillimeve të fundit në tregjet ndërkombëtare.

Gjatë diskutimit u analizua ecuria e çmimeve në bursën Platts të Mesdheut, si referencë për gazoilin dhe benzinën, si dhe raporti ndërmjet çmimeve të importit, çmimeve të shitjes me shumicë dhe çmimeve të shitjes me pakicë në tregun vendas.

Palët ranë dakord për rritjen e transparencës dhe shkëmbimin e rregullt të informacionit mbi lëvizjen e çmimeve, me qëllim mbajtjen nën kontroll të situatës dhe garantimin e një tregu të qëndrueshëm.

Në këtë kuadër:Ministria e Ekonomisë dhe Inovacionit do të ndërmarrë këto masa:

• ngritjen e një mekanizmi të përditshëm monitorimi të çmimeve të hidrokarbureve në tregun vendas;

• analizimin periodik të raportit mes çmimeve të bursës Platts, çmimeve të importit dhe çmimeve të shitjes në treg;

• koordinimin e vazhdueshëm me operatorët e tregut dhe Shoqatën e Hidrokarbureve për të garantuar transparencë dhe stabilitet në treg;

• informimin periodik të publikut mbi zhvillimet e çmimeve dhe faktorët që ndikojnë në to.Nga ana tjetër, Ministria e Financave do të ngrejë një task-forcë të përbashkët mes administratës tatimore dhe doganore, e cila do të ketë për detyrë:

• rritjen e kontrollit dhe efikasitetit tatimor dhe doganor në sektorin e hidrokarbureve, në tregtimin me shumicë dhe me pakicë, në mënyrë që të shmangen rritjet abuzive të çmimit të tregtimit të karburanteve;

• monitorimin e marzheve të fitimit në gjithë zinxhirin e tregtimit të hidrokarbureve, nga momenti i importit deri te shitja me pakicë, për të garantuar që çdo ndryshim çmimi të reflektojë zhvillimet reale të tregut ndërkombëtar;

• garantimin që aktiviteti i subjekteve të zhvillohet në përputhje me ligjin, që çdo shitje të jetë e regjistruar fiskalisht dhe gjithashtu karburanti i tregtuar të përmbushë të gjitha detyrimet doganore dhe tatimore.

Gjatë takimit u theksua se situata aktuale në tregjet ndërkombëtare kërkon vëmendje dhe reagim të shpejtë institucional, në mënyrë që të ruhet stabiliteti i tregut dhe të mbrohen interesat e konsumatorëve shqiptarë.

Autoritetet shtetërore do të vijojnë monitorimin e përditshëm të bursave ndërkombëtare dhe të tregut vendas, duke marrë masat e nevojshme në rast të devijimeve të pajustifikuara të çmimeve.

Institucionet mbeten të angazhuara për garantimin e transparencës, konkurrencës së ndershme dhe mbrojtjen e interesit të konsumatorëve në tregun e hidrokarbureve në Shqipëri.

Nga gazetari Renaldo Bregu:

BYD-i i famshëm, që është kthyer në modë në Tiranë.

Një makinë kineze, elektrike, modeli SUV, që ze hapësira sa dy makina, 36 m², kam dëshirë Unë të them!

I bëj thirrje Drejtoria e Përgjithshme e Shërbimeve të Transportit Rrugor, të vlerësoj #Taksën_e_hapësirës, për makinat, pasi që Tirana po kalon në kolaps.

Sikur mos mjaftoj një bythë qytet që vetëm #zgjerim nuk njeh, por vetëm #dendësi_ekstreme_urbane, tani na janë bërë barë më vete, edhe makinat në trafik me super përmasa.

E theksoj, me super përmasa si kaba, si sipërfaqe, se motorin aq e kanë 1.4 cc, nuk kanë këllqe këta morramanë të kenë makina 350 cc.

Ka dalë në modë në Tiranë, gjoja si arritje dhe tregues e statusit ekonomik të personit, dhe blenë makina #tip_tanku në sipërfaqe, shumë të mëdhaja, si sipërfaqe, se përsëri 4+1 janë edhe këto.

Në Tiranë janë pafund qytetarët që u vjen turp nga vetja të dalin me një makinë kaq të madhe në këto rrugë kaq të ngushta, dhe inekzistent parkimi.

Prandaj i kërkoj #DPSHTRR, të vendosi tashmë një Taksë për m², të sipërfaqes që ze një makinë në rrugë.

Mendojeni tani, që t’a implementoni pas 60 vjetëve . . .

Vajza e njohur e këngëtares Elsa Lila, Evita Soncini, po shkëlqen në rrjetet sociale dhe po tërheq vëmendjen e të gjithëve.

Me vetëm 15 vjet, Evita ka vendosur të hyjë në botën e modelingut, një hap që tregon për ambiciet e saj të mëdha.

Ajo po shfaqet gjithnjë e më shumë në publik, duke e bërë të njohur identitetin e saj si një vajzë e re me potencial të madh.

Ndryshe nga vitet e kaluara, kur Elsa Lila e mbante vajzën larg vëmendjes së mediave, tani Evita ka filluar të publikojë fotografi dhe përmbajtje në llogarinë e saj në Instagram.

Ky ndryshim i qasjes tregon një hap të rëndësishëm në jetën e saj si adoleshente.

Evita është bërë pjesë e një kompanie modelingu, ku po prezantohet si një nga fytyrat e reja të saj.Kjo mundësi e jep asaj një platformë për të shfaqur talentin e saj dhe për të ndërtuar një karrierë në industrinë e modës.Stili dhe pamja e saj po tërheqin gjithashtu vëmendjen e ndjekësve.

Shumë prej tyre kanë vënë re ngjashmërinë e saj me nënën, Elsa Lila, e cila është një figurë e njohur në muzikë. Kjo ngjashmëri është një faktor që e bën Evitën edhe më interesante për publikun.

Edhe pse Elsa Lila ka përpiqur ta mbajë vajzën larg vëmendjes publike, duket se Evita është e vendosur të krijojë identitetin e saj dhe të bëjë hapat e parë në botën e modës.

Ky është një moment i rëndësishëm për të dyja, pasi ato po ndihmojnë njëra-tjetrën në këtë rrugëtim.

Me një prind të njohur dhe një pasion për modelingun, Evita Soncini ka potencialin për t’u bërë një emër i njohur në industrinë e modës.

Ajo po e ndjek ëndrrën e saj dhe është e gatshme të përballojë sfidat që do të vijnë.