Disa pamje shqetësuese të publikuara në rrjetet sociale kanë nxitur reagimin e menjëhershëm të Policisë së Korçës, pasi në to shihet një burrë që kap dhe tërheq për flokësh një vajzë të mitur në rrugë, në prani të një gruaje tjetër.

Ngjarja ka ndodhur në qytetin e Korçës dhe pas publikimit të videos, shërbimet e Komisariatit të Policisë ndërhynë menjëherë duke bërë të mundur identifikimin dhe shoqërimin e dy personave të shfaqur në pamje në ambientet e komisariatit.

Nga deklarimet e para dhënë para oficerëve të policisë gjyqësore, u konstatua se burri që ushtroi dhunë ndaj vajzës së mitur është babai i saj biologjik. Ai është identifikuar si M. U., 33 vjeç, shtetas holandez.

Në përfundim të veprimeve hetimore paraprake, materialet iu referuan Prokurorisë pranë Gjykatës së Shkallës së Parë të Juridiksionit të Përgjithshëm Korçë. Ndaj shtetasit M. U. është nisur procedim penal për veprën “Keqtrajtimi i të miturit”.

Policia vijon hetimet për dokumentimin e plotë të ngjarjes dhe apelon qytetarët që të denoncojnë çdo rast dhune apo keqtrajtimi ndaj fëmijëve.

Top Channel

Shitet pronë në një nga zonat më të kërkuara të Fierit: Lagjja “Sheq i Madh”, buze rrugës kryesore “Teodori II Muzaka” – një vend strategjik ku ndodhen biznese të mëdha dhe me potencial të lartë zhvillimi.

📍 Detaje të pronës:

Sipërfaqe totale: 1,750 m²

Pozicion i favorshëm: Me fasadë të gjerë në rrugën kryesore dhe pjesa tjetër shkon deri në buzë të lumit Gjanica

E përshtatshme për ndërtim, biznes, showroom etj.

💰 Çmimi: 270.000 €

💬 Mundësi shkëmbimi: Në çmim mund të përfshihet një apartament në Tiranë.

📞 Kontakti: 068 487 2039

Një lajm i mirë për familjet në nevojë në Shqipëri. Qeveria ka miratuar zyrtarisht një udhëzim të ri që përcakton kriteret dhe procedurat për shpërndarjen e subvencioneve shtetërore në sektorin e ujësjellës-kanalizimeve për vitin buxhetor 2025. Ky vendim synon të lehtësojë barrën financiare për kategoritë më të prekura, duke garantuar aksesin në një sasi minimale jetike të ujit të pijshëm.

Udhëzimi, i firmosur nga Zëvendëskryeministrja dhe Ministrja e Infrastrukturës dhe Energjisë, Belinda Balluku, ka hyrë të martën në fuqi pas botimit në Fletoren Zyrtare.

Kush do të përfitojë dhe sa?

Sipas metodologjisë së re, subvencioni do të shpërndahet nga Agjencia Kombëtare e Ujësjellës-Kanalizimeve (AKUK) dhe do të fokusohet kryesisht te kategoritë në nevojë, të përcaktuara nga ligji i asistencës sociale. Këto përfshijnë:

Familjet që përfitojnë ndihmë ekonomike.

Individët me statusin e jetimit.

Viktimat e trafikimit.

Viktimat e dhunës në familje.

Prindërit me më shumë se dy fëmijë të lindur njëherësh (trinjakë, katërnjakë etj.).

Fëmijët e vendosur në familje kujdestare, përfshirë ata me aftësi të kufizuara.

Këto familje dhe individë do të kompensohen 100% për vlerën e faturuar deri në sasinë 5 metër kub ujë të pijshëm në muaj, për kontratë. Përveç konsumit, subvencioni do të mbulojë edhe tarifën fikse, tarifën e kanalizimeve dhe të trajtimit të ujërave të ndotura urbane për këtë sasi minimale.

Zbritja do të bëhet automatikisht në faturën mujore të gjeneruar nga shoqëria përkatëse e ujësjellës-kanalizimeve, shkruan rtsh.al.

Si do të funksionojë subvencionimi?

Subvencioni do të jepet vetëm një herë për familje, pavarësisht nëse në përbërje kanë më shumë se një person që i plotëson kriteret.

Shoqëritë aksionare të ujësjellës-kanalizimeve (UK) do të kenë si prioritet përdorimin e fondit për të bërë zbritjen 100% në faturat e kategorive të sipërpërmendura. Nëse mbetet fond i papërdorur, ai mund të shfrytëzohet nga shoqëritë UK për të mbuluar koston e energjisë elektrike, me kusht që të kenë mbi 75% të prodhimit të ujit me ngritje mekanike.

Vetëm shoqëritë UK që kanë nënshkruar një “kontratë performance” me AKUK-në do të jenë të ligjshme për të përfituar nga ky subvencion. Megjithatë, zbritja 100% në fatura për kategoritë në nevojë është e detyrueshme për të gjitha shoqëritë UK, pavarësisht nëse kanë apo jo kontratë performance. Për shoqëritë pa kontratë, kostoja fillimisht do të mbulohet nga vetë ato, deri në momentin e nënshkrimit të marrëveshjes, pas të cilës do të rimbursohen.

Njësitë e qeverisjes vendore do të furnizojnë shoqëritë UK me listën e plotë të familjeve/individëve në nevojë brenda datës 10 të çdo muaji. AKUK do të vlerësojë këto të dhëna dhe do të bëjë shpërndarjen e subvencionit brenda vitit buxhetor 2025, duke rimbursuar edhe faturat e muajve të mbetur të vitit paraardhës.

Ky udhëzim zëvendëson atë të vitit 2024 dhe shënon një vazhdimësi të politikave sociale për mbështetjen e qytetarëve më në nevojë në pagesën e shërbimit jetik të ujit.

Mes shumë neneve të propozuara, në draftin e kodit të ri penal që pritet të diskutohet, është edhe Neni 745 që parashikon deri në 16 vite burg për bashkëjetesë me të mitur, deri 10 vite burg edhe prindërit që e lejojnë apo e nxisin atë. Sipas nenit, bashkëjetesa e një personi madhor me një të mitur nga mosha 14 deri nën 16 vjeç, dënohet me burgim nga 4 deri në 8 vjet. Nëse bashkëjetesa ndodh me një të mitur 16 deri në 18 vjeç, dënimi është nga 2 deri në 5 vjet.

Me Kodin e ri Penal lidhja e më shumë se një martese në të njëjtën kohë do të konsiderohet vepër penale dhe do të ndëshkohet me burgim deri në 3 vjet, sipas nenit 742 të draftit. Ndërsa në rast se personi vazhdon të jetojë në bigami edhe pas një dënimi të mëparshëm, atëherë dënimi ashpërsohet dhe parashikohet burgim nga 6 muaj deri në 4 vjet.

Kodi i ri penal parashikon denim edhe për ata që keqpërdorin imazhin e një personi tjetër për të hapur profile të rreme në rrjetet sociale apo çdo faqe tjetër. Kjo vepër do dënohet me gjobë deri në 3 vite burgim. Për këto raste, ndjekja penale fillon vetëm kur bën denoncim viktima ose avokati, dhe pushohet kur heq dorë pala e dëmtuar.

Po kështu dy nene të Kodit të ri penal parashikojnë masa të rrepta ndëshkuese që lidhen me sigurinë rrugore dhe abuzimet në tregun e punës. Moskryerja e procedurave të kontrollit teknik të mjeteve motorike ose kryerja e tyre në kundërshtim me ligjin, kur krijojnë rrezik për jetën dhe sigurinë e njerëzve gjatë qarkullimit rrugor apo ndotin ajrin, ujërat ose tokën, do të konsiderohen kundërvajtje penale dhe do të dënohen me gjobë ose burgim deri në 2 vjet.

Ndërkohë, Neni 662 ndalon rekrutimin me mashtrim ose dredhi të krahut të punës. Sipas këtij neni, çdo person apo kompani që ofron kushte pune të rreme për të tërhequr punonjës ose për t’i larguar ata nga puna aktuale, kryen kundërvajtje penale dhe rrezikon gjobë ose burgim deri në 45 ditë.

Në nenin 307 parashikohet si vepër penale edhe pranimi i dhuratave. Pra pranimi nga zyrtari publik, i çdo lloj dhurate, për vete ose për persona të tjerë, dhënë atij për shkak të ushtrimit të funksionit të tij publik, kur ajo mbahet e padeklaruar me qëllim për ta përvetësuar për vete, dënohet me gjobë ose me burgim nga tre muaj deri në tre vjet, ndërsa neni pasardhës flet për pasurimin e paligjshëm. Sipas nenit 308

Pasurimi i paligjshëm, nëpërmjet shtimit domethënës, të rëndësishëm e të pajustifikuar te saj, e cila kapercen mundesine per tu siguruar me te ardhurat e ligjshme te deklaruara nga zyrtari publik, dënohet me burgim nga 2 deri ne 7 vjet.

Kodi i ri Penal, para se të hyjë në fuqi, do të marrë edhe aprovimin e Bashkimit Europian.

Kodi i ri Penal, nëse do të mbetet i tillë pas konsultimit publik, do të jetë me 952 nene, gati 3-fish më shumë nga Kodi aktual Penal.

Maturantët që kanë mbyllur me sukses provimet e Maturës Shtetërore kanë nisur këtë të martë aplikimin për në universitet.

Kejsi, maturantja e shkollës “Ismail Qemali”, së bashku me grupin tonë të xhirimit, ka renditur programet e preferuara të studimit dhe ka përzgjedhur si preferencë të parë Drejtësinë. Ajo sot ndihet e emocionuar që i erdhi dita të aplikojë për atë që nesër do të jetë profesioni i saj.

“Jam bazuar në dëshirat që kam pasur që fëmijë. Kam pasur shumë ndikime nga të afërmit, nga miqtë e mi, por në fund vendosa atë çfarë unë dëshiroj. Preferenca ime e parë është Drejtësia. E kam hedhur në të dyja mënyrat, edhe në shtet, edhe në privat, por preferoj më shumë që të më dalë në shtet, duke qenë se edhe kuotat janë më të larta, arsimi është më cilësor në mendimin tim. Ndërsa preferencë e dytë është gjithmonë Gazetaria, pasi është një degë që mua më ka pëlqyer gjithmonë dhe një fushë pune që unë mendoj se do të më përshtatej shumë,” thotë studentja e re.

Pas shumë përllogaritjeve që ka bërë dhe duke pasur parasysh kriteret e universitetit ku ka vendosur të aplikojë, Kejsi është plot shpresë se do ta arrijë qëllimin.

“Besoj që kam shanse shumë të larta për t’i kapur të dyja degët, qoftë në privat, qoftë në shtetëror,” shprehet ajo.

Për të rezultuar fituese në Drejtësi, ajo ka zgjedhur të profilizohet në gjimnaz në degët shoqërore.

“Unë kam zgjedhur Shoqëroret duke qenë se e dija rrugën time, se çfarë universiteti do të aplikoja. Mendoj që këto lëndë më kanë ndihmuar shumë për të plotësuar kriteret universitare, të cilat duhen për t’u pranuar regjistrimi ynë në universitet,” tregon Kejsi.

Aplikimi mund të kryhet në çdo mjedis ku ka akses interneti, si në shtëpi, nëpërmjet telefonit, por edhe pranë çdo shkolle të mesme në ato raste kur maturantët kanë nevojë të konsultohen me mësuesit.

Gazetare: Keti Toroveci