Rritja e temperaturave dhe ekspozimi i gjatë në diell, kanë sjellë shtim të ndjeshëm të vizitave te dermatologët në Fier.

Çdo ditë, mbi 50 pacientë paraqiten në poliklinikë me probleme si alergji, infeksione apo sëmundje tumorale të lëkurës.

“Ka shtim të rasteve dhe shqetësues është numri i lartë i pacientëve me sëmundje tumorale. Duhet të shmanget ekspozimi në diell në orët e pikut në pishina merren infeksione të lëkurës”, u shpreh mjeku dermatolog, Ermal Sina.

Një tjetër problem që rëndon situatën është përdorimi pa kriter i kremrave pa konsultim mjekësor.

“Jo çdo krem është i përshtatshëm për të gjithë. Trajtimi duhet bërë sipas llojit të lëkurës dhe rekomandimit të mjekut”, tha Sina.

Përveç diellit, në Fier situatën e përkeqëson ndotja nga hidrokarburet.

“Fieri ka specifikë lëndët hidrokarbure njihen si faktor rrisku”, theksoi mjeku.

Dermatologët paralajmërojnë gjithashtu për kequshqyerjen si një tjetër faktor që ndikon negativisht në shëndetin e lëkurës.

/rtsh.al/

Në një qytet që po ndryshon me shpejtësi, disa profesione po mbeten vetëm kujtim. Riparimi i këpucëve, rrobaqepësia, riparimi i televizioneve dhe orëndreqësi, po shkojnë drejt zhdukjes.

Në këtë dyqan të vogël në zemër të Fierit punon Alban Zijai, 55-vjeç, një nga të paktët orëndreqës të mbetur në qytet. Çdo ditë, me përkushtim, ai vazhdon të ruajë zanatin e mësuar nga i ati që në adoleshencë.

“Jam djali i usta Ganiut. Që në moshën 15-vjeçare fillova të merrem me orët në shtëpi. Më pas, pas gjimnazit, në vitin 1990, hyra në punë dhe nuk jam shkëputur më. Këtë zanat e kam me qejf’, tha Alban Zijai.

Albani shpreh keqardhje për të rinjtë që nuk duan ta ndjekin traditën.

“Ky profesion po zhduket sepse njerëzit sot duan fitim të shpejtë. Nuk punojnë më me pasion. Edhe djali im e ka provuar, por më shumë i pëlqen shitja”, tha ai.

Teksa ora digjitale zëvendëson atë me akrepa, ky profesion po mbijeton vetëm falë dashurisë së zanatçinjve të vjetër. Zanate si ai i orëndreqësit janë pasuri kulturore që duhen ruajtur por fatkeqësisht në Fier sot kanë mbetur vetëm 5 orëndreqës, të cilët janë mbi 60- vjeç.

VIDEO

Burimi: shqiptarja.com

Në qytetin e Fierit, çmimet e qirave të apartamenteve kanë vijuar trendin e rritjes gjatë vitit 2025. Sipas të dhënave të agjencive imobiliare, në pesëvjeçarin e fundit është shënuar një rritje me mbi 40%, duke bërë që dhe ne periferi qirate te shkojne nga15 deri në 18 mijë lekë në muaj.

Në lagjet më të kërkuara si “Kastriot”, “15 Tetori”, “1 Maji” dhe “Apolonia”, qiratë mujore shkojne nga 25 mijë deri në 30 mijë lekë ne muaj. Kjo ka ardhur si pasoje e shpërnguljes së banoreve te zonave rurale drejt qytetit dhe akomodimi i stafeve te huajve qe punojne për panelet fotovoltaike në Seman dhe Darëzezë.

Arta Progonati, agjente imobiliare shrepehet se: “Rritja e qirave ka ardhur për një sërë arsyesh. Pas pandemisë, shumë të moshuar janë shpërngulur në qytet për të qenë më pranë spitaleve. Po ashtu, nxënës të shkollave rurale janë vendosur pranë shkollave në qytet, dhe një ndikim i madh ka ardhur nga stafet e huaja të angazhuara në projektet me panele diellore në zonat e Semanit dhe Darëzezës.”

Fieri nuk ka një treg të strukturuar dhe çmimet shpesh përcaktohen në mënyrë arbitrare.

Shiko Video

Emiron Cane, agjent imobiliar tha se “nuk ekziston një balancë reale sipas zonave. Edhe pallatet e vjetra po preferohen nga qiramarrësit, sepse opsionet janë të kufizuara dhe çmimet nuk janë të kontrolluara.”

Një tjetër prirje është rritja e kërkesës për qira afatshkurtra, sidomos gjatë verës. Kjo ka bërë që shumë prona të nxirren në AIRBNB duke reduktuar ofertën për vendasit.

“Ne jemi dy kurorë në një çati, nuk marrim dot apartament me qira se kanë shkuar 30 mijë lek ne muaj. Eshtë e papërballueshme!”, tha një qytetar.

Përtej nevojës për strehim, qiratë në Fier po shihen gjithnjë e më shumë edhe si formë investimi. Shumë pronarë kanë kthyer apartamentet në burim të ardhurash të qëndrueshme. Per qirate ditore, kryesisht jane te interesuar te huajt qe mberrijne ne Fier për turizmin shendetësor.

Në mungesë të një ndërhyrjeje institucionale për të rregulluar dhe kontrolluar tregun, qyteti i Fierit po përballet me një rritje të qirave që jo vetëm rrezikon të përjashtojë shtresat më të pambrojtura, por po ndryshon dhe mënyrën sesi qytetarët dhe investitorët e shohin pasurinë e paluajtshme.

Burimi: shqiptarja.com

Në kantierin e ndërtimit të rrugës Fier-Frataj me gjatësi 43 km, puna po ecën me ritëm të mirë, duke arritur një realizim fizik prej 30%.

Autoriteti Rrugor Shqiptar bën të ditur se në segmentet Patos-Ballsh dhe Ballsh-Fratar po vijon puna për zgjerimin e rrugës ekzistuese, ndërtimin e mureve mbajtëse dhe pritëse, kanaleve, tombinove dhe shtresave rrugore.

Në segmentin “Devijimi Povel”, ku po ndërtohet një aks totalisht i ri, punimet përfshijnë mbushjen e shtresave, ndërtimin e urës si dhe muret pritëse dhe mbajtëse.

Përfundimi i këtij projekti do të shërbejë si një arterie ekonomike e rëndësishme për zonën e Fratarit dhe Mallakastrës.

Rruga e re do të lehtësojë qarkullimin e mjeteve dhe mallrave bujqësore, duke krijuar mundësi të reja për bizneset lokale, agroturizmin dhe zhvillimin e turizmit në rajon./a.gj/

Burimi ATSH

”Spitali Memorial” ishte organizator i konferencës mjekësore “RASTE QË FLASIN, NGA DIAGNOZA TEK ZGJIDHJA”, një aktivitet i dedikuar trajtimit të rasteve klinike sfiduese dhe zgjidhjeve bashkëkohore terapeutike.

Në këtë ngjarje të veçantë morën pjesë 24 mjekë specialistë dhe 2 infermiere me përvojë të gjatë, të cilët ndanë rastet e tyre më domethënëse dhe qasjet e aplikuara në trajtim.

Ata sollën dije, përkushtim dhe frymëzim për kolegët dhe profesionistët e rinj.