Në kuadër të festimeve për 1 Qershorin, Ditën Ndërkombëtare të Fëmijëve, bulevardi kryesor i qytetit të Fierit u mbush me ngjyra, hare dhe këngë, teksa fëmijët marshuan në një paradë madhështore.

Të veshur me kostume festive, me flamuj, tullumbace dhe buzëqeshje, fëmijët fierakë dhuruan një atmosferë të veçantë për qytetin.

Parada u zhvillua në bulevardin kryesor dhe u shoqërua nga prindër, mësues, animatorë dhe muzikë festive.

Një zjarr masiv ka përfshirë masivin pyjor të Darëzezës, me flakë që po përhapen me shpejtësi. 

Fillimisht forcat zjarrfikëse kanë kufizuar flakët që rrezikonin bizneset aty pranë.

Mjete zjarrëfikëse nga Patosi, Roskoveci e Lushnja i janë bashkuar aksionit për neutralizimin dhe shuarjen e flakëve, të cilat janë aktive në tre vatra.

Agjencia Kombëtare e Mbrojtjes Civile ka treguar për Report Tv se aktualisht po operohet me 6 mjete zjarrefikse, 2 autobote uji dhe 1 fadromë për hapje korridoresh.

Terreni është i vështirë dhe ndërhyrja me mjete brenda pyllit është pothuajse e pamundur.

Fillimisht forcat zjarrfikëse kanë kufizuar flakët që rrezikonin bizneset aty pranë.Punonësit e pyjores të ndihmuar edhe nga banorët e zonës, po presin me motosharra pemë e shkurre për të mundësuar hyrjen e mjeteve brenda pyllit.

Ende nuk është i qartë shkaku i zjarrit, por deri tani dyshohet se mund të jetë ndezuar aksidentalisht nga disa fëmijë.

“Pleqëri me kusure”, një komedi që sjell përmes humorit jetën e përditshme të moshës së tretë u shfaq me sukes në teatrin “Bylis” të Fierit.

Publiku fierak mirëpriti premierën e komedisë “Pleqëri me Kusure”, me autor Odise Plakun dhe regji të Eljona Thomaraj.

Për aktorët Klajdi Marku, Astrit Hasani dhe Miola Sitaj, për 1 orë e 30 minuta mesazhet që u përcollën ishin pjesë e marrëdhënieve njerëzore në thjeshtësinë dhe vitalitetin e jetës.

Për minuta të tëra ndodhitë brenda shtëpisë së Margaritës dhe Viktorit si dhe komshiut të tyre, Viktorit, ngacmuan spektatorin me shqetësimet, gëzimet, xhelozitë e moshës së vonë, të fshehtat, dyshimet , intrigat dhe më në fund një enigme që do të zgjidhet.

 Për autorin Odise Plaku dhe regjisoren Eljona Thomaraj gjithçka ishte një dinamikë mes profesionistësh.

Premiera e shfaqjes  “Pleqëri me kusure” apeloi shqip dhe ngrohtë për respektim dhe përkujdesje për moshën e tretë që me gjithë vështirësitë e të përditshmes kanë dëshirën për të pasur një jetë të lumtur dhe të qetë.

Autoritetet lokale kanë filluar largimin e mjeteve të parkuara në rrugën “Ramiz Aranitasi” në Fier, për shkak të zhvillimit të etapës së fundit të Turit të Shqipërisë në çiklizëm.

Etapa e pestë dhe përmbyllëse e këtij edicioni të 82-të do të zhvillohet ditën e nesërme, me nisje nga qyteti i Vlorës dhe përfundim pikërisht në qytetin e Fierit, ku do të shpallet dhe fituesi i këtij turneu prestigjioz.

Drejtoria Vendore e Policisë Fier

Shërbimet e Sektorit të Policisë Rrugore Fier kanë hartuar planin e masave për garantimin e mbarëvajtjes së etapës së fundit të turit të 82-të çiklistik të Shqipërisë.

Për mbarëvajtjen e këtij aktiviteti, kërkojmë mirëkuptimin dhe bashkëpunimin e qytetarëve për shmangien e kalimit në rrugët ku do të zhvillohet ky aktivitet në datë 30.05.2025, në oraret si më poshtë:

•Autostrada Vlorë – Fier- unaza e Fierit, nga ora 10:00 deri në orën 11:15;

•Rruga Fier-Savër, nga ora 10:50 deri në orën 12:00;

•Savër-dalja në Levan, nga ora 11:45 deri në orën 13:00;

•Rruga Levan-qendër Fier, nga ora 12:40 deri në orën 13:15.

Duke ju falënderuar për mirëkuptimin!