Regjisori dhe aktori i njohur Mevlan Shanaj ka ironizuar kërkesën e Agron Shehajt për mbylljen e RTSH-së.

“Iku për SKRAP dhe ky si të gjithë ata që kërkonin ndalimin e filmave (ju ftoj të shpreheni)”-shkruan Shanaj në rrjetin e tij social.

Agron Shehaj ka kërkuar mbylljen e RTSH-së, pasi sipas tij, paratë për financimin e televizionit publik janë para të shpenzuara kot.

Ai thotë se me mbylljen e RTSH-së, do të kurseheshin 30 mln euro në vit.

Ministrja e Shtetit për Sipërmarrjen, Delina Ibrahimaj, në një intervistë për News24, ka deklaruar se PS planifikon të ndihmojë çiftet e reja në blerjen e banesave. Ibrahimaj deklaroi se në 4 vjeçarin e ardhshëm, do të vendohet 300 mln euro në dispozicion për ndërtimin e apartamenteve me çmime të përballueshme.

Ministrja u shpreh se çmimet e banesave janë rritur, por shtoi se pronarëve ekzistues të shtëpive u janë rritur të ardhurat për shkak se vlera e apartamenteve të tyre është dyfishuar apo trefishuar.

“Në 4 vjeçarin e ardhshëm do të vihet një dispozicion një fond prej 300 mln euro pikërisht për programe për subvencionimin e pagesave apo ndërtimin e banesave të përballueshme.

Programe të strehimit të cilat do të shkojnë në ndihmë të çifteve të reja, apo çifteve të reja që kthehen nga emigracioni”, u shpreh ministrja Ibrahimaj.

Ministrja Delina Ibrahimaj: Çmimet e banesave janë rritur, një çift i ri shqiptar që nuk ka banesë në pronësi duhet të marrë kredi dhe do i duan 20 vite për ta shlyer, si në të gjitha vendet e botës, por ata që janë i kanë banesat ekzistuese i janë rritur të ardhurat sepse iu është dyfishuar apo trefishuar vlera e apartamenteve. Që pagat janë rritur ky është fakt, nuk ka kontestim.

Ne vetëm që kemi në plan tu vijmë në ndihmë të rinjve për blerjen e banesave, bashkitë japin kredi të buta, një program që financohet nga bashkitë dhe një akuzë nga enti rregullator i banesave.

Ka të paktën 2 vite që qeveria ka një program për kredi të buta për punonjës të administratës. Në 4 vjeçarin e ardhshëm do të vihet një dispozicion një fond prej 300 mln euro pikërisht për programe për subvencionimin e pagesave apo ndërtimin e banesave të përballueshme.

Programe të strehimit të cilat do të shkojnë në ndihmë të çifteve të reja, apo çifteve të reja që kthehen nga emigracioni.

Kur kemi hartuar programin kemi bërë analizat financiare, ekonomike e buxhetore, që të mos fusnim elementë që nuk mund ti përmbajmë.

Nëse shpenzojmë më shumë se sa kemi mundësi përfundojmë në kolaps, kemi arritur mbas shumë vitesh që të kemi një balancë pozitive, ne shpenzojmë aq sa mbledhim të ardhura, është tregues i rëndësishëm, na bën të jemi të besueshëm ndaj partnerëve ndërkombëtarë.

Kryeministri Edi Rama synon që të çojë pagën mesatare të sektorit privat në 1 mijë euro nga 830 që është aktualisht.

Rama tha se këtë ai do ta bëjë gjatë mandatit të katërt.

“Ne duam të ecim më tutje me pagën mesatare, ta çojmë nga 830 në 1 mijë euro brenda mandatit të katërt në sektorin privat”, tha Rama.

Gjatë fjalës së tij në ambientet e Tirana Industrial Park, në takimin me biznese dhe punonjës për të diskutuar mbi strategjinë e politikat e punësimit dhe aftësimit të forcës së punës me qëllim ndërtimin e një tregu pune më të fortë, Rama tha se një numër të rinjsh janë kthyer nga Gjermania, për të punuar në atdhe, pasi pagat në vendin tonë janë dinjitoze, sipas kryeministrit.

“Ka një numër djemsh dhe vajzash të kthyer rishtas nga Gjermania. E provuan dhe u kthyen, njerëz të mençur, besoj se do ketë më shumë të tillë në vitet në vijim.

Rritja e kapaciteteve të arsimit profesional domosdoshmëri për ekonominë, kompanitë dhe të rinjtë e të rejat. Jo vetëm një punë e mirë paguar por i hapin vetes një perspektivë për të ndërtuar një biznes”, u shpreh kryeministri.

Edi Rama: Paga minimale është më e lartë në Shqipëri de fakto…Ne duam të ecim më tutje me pagën mesatare, ta çojmë nga 830 në 1 mijë euro brenda mandatit të katërt në sektorin privat.

Ndërkohë që sot kemi nevojë të shohim edhe me shumë më tepër optimizëm rritjen e pagave në sektorin publik, pagat janë rritur dhe do të rriten më shumë. Duke rritur pagat në sektorin publik kemi tërhequr edhe sektorin privat në këtë proces.

Tani më, pagat dinjitoze nuk diskutohen më. Kompanitë sot më shumë se sa problemi sat ë paguajmë punëtorët kanë problemin se ku i gjejnë punëtorët e kualifikuar.

Ka një numër djemsh dhe vajzash të kthyer rishtas nga Gjermania. E provuan dhe u kthyen, njerëz të mençur, besoj se do ketë më shumë të tillë në vitet në vijim.

Rritja e kapaciteteve të arsimit profesional domosdoshmëri për ekonominë, kompanitë dhe të rinjtë e të rejat. Jo vetëm një punë e mirë paguar por i hapin vetes një perspektivë për të ndërtuar një biznes.