Kryeministri Edi Rama synon që të çojë pagën mesatare të sektorit privat në 1 mijë euro nga 830 që është aktualisht.

Rama tha se këtë ai do ta bëjë gjatë mandatit të katërt.

“Ne duam të ecim më tutje me pagën mesatare, ta çojmë nga 830 në 1 mijë euro brenda mandatit të katërt në sektorin privat”, tha Rama.

Gjatë fjalës së tij në ambientet e Tirana Industrial Park, në takimin me biznese dhe punonjës për të diskutuar mbi strategjinë e politikat e punësimit dhe aftësimit të forcës së punës me qëllim ndërtimin e një tregu pune më të fortë, Rama tha se një numër të rinjsh janë kthyer nga Gjermania, për të punuar në atdhe, pasi pagat në vendin tonë janë dinjitoze, sipas kryeministrit.

“Ka një numër djemsh dhe vajzash të kthyer rishtas nga Gjermania. E provuan dhe u kthyen, njerëz të mençur, besoj se do ketë më shumë të tillë në vitet në vijim.

Rritja e kapaciteteve të arsimit profesional domosdoshmëri për ekonominë, kompanitë dhe të rinjtë e të rejat. Jo vetëm një punë e mirë paguar por i hapin vetes një perspektivë për të ndërtuar një biznes”, u shpreh kryeministri.

Edi Rama: Paga minimale është më e lartë në Shqipëri de fakto…Ne duam të ecim më tutje me pagën mesatare, ta çojmë nga 830 në 1 mijë euro brenda mandatit të katërt në sektorin privat.

Ndërkohë që sot kemi nevojë të shohim edhe me shumë më tepër optimizëm rritjen e pagave në sektorin publik, pagat janë rritur dhe do të rriten më shumë. Duke rritur pagat në sektorin publik kemi tërhequr edhe sektorin privat në këtë proces.

Tani më, pagat dinjitoze nuk diskutohen më. Kompanitë sot më shumë se sa problemi sat ë paguajmë punëtorët kanë problemin se ku i gjejnë punëtorët e kualifikuar.

Ka një numër djemsh dhe vajzash të kthyer rishtas nga Gjermania. E provuan dhe u kthyen, njerëz të mençur, besoj se do ketë më shumë të tillë në vitet në vijim.

Rritja e kapaciteteve të arsimit profesional domosdoshmëri për ekonominë, kompanitë dhe të rinjtë e të rejat. Jo vetëm një punë e mirë paguar por i hapin vetes një perspektivë për të ndërtuar një biznes.

Qeveria shqiptare ka marrë vendimin për heqjen e vizave turistike për 5 shtete.

Në mbledhjen e Këshilit të Ministave të ditës së sotme, u vendos heqja e vizave për shtetet, si Arabia Saudite, Katari, Oman, Tajlandë dhe Indonezi.

Ky vendim do të qëndrojë në fuqi për një afat të kufizuar nga data 15 prill deri më 31 dhjetor 2025.

VENDIMI:

VENDIM PËR NJË NDRYSHIM NË VENDIMIN NR.858, DATË 29.12.2021, TË KËSHILLIT TË MINISTRAVE, “PËR PËRCAKTIMIN E KRITEREVE, TË PROCEDURAVE E TË DOKUMENTACIONIT PËR HYRJEN, QËNDRIMIN DHE TRAJTIMIN E TË HUAJVE NË REPUBLIKËN E SHQIPËRISË”, TË NDRYSHUAR

Në mbështetje të nenit 100 të Kushtetutës dhe të neneve 6 e 29, të ligjit nr.79/2021, “Për të huajt”, me propozimin e ministrit për Evropën dhe Punët e Jashtme dhe të ministrit të Brendshëm, Këshilli i Ministrave

V E N D O S I:

1. Pika 3, e aneksit nr.3, që i bashkëlidhet vendimit nr.858, datë 29.12.2021, të Këshillit të Ministrave, “Për përcaktimin e kritereve, të procedurave e të dokumentacionit për hyrjen, qëndrimin dhe trajtimin e të huajve në Republikën e Shqipërisë”, të ndryshuar, ndryshohet, si më poshtë vijon:

“3. Lista e shteteve, shtetasit e të cilave hyjnë pa vizë për motive turistike në Republikën e Shqipërisë dhe me dokumentin “pasaportë” për një periudhë të kufizuar, nga data 15 prill deri më 31 dhjetor 2025.”.

Nr. Shteti

1. Arabi Saudite
2. Katar
3. Oman
4. Tajlandë
5. Indonezi
6. Ngarkohen Ministria për Evropën dhe Punët e Jashtme dhe Ministria e Brendshme për zbatimin e këtij vendimi.

Ky vendim hyn në fuqi pas botimit në “Fletoren zyrtare”.

Kryeministri Edi Rama nga Zall Herri në krah të ministrit të Mbrojtjes, Pirro Vengu, e vendosi theksin te investimet për Forcat e Armatosura, duke nënvizuar vlerën e programit të kredive të buta për strehimin e familjeve të ushtarakëve.

Deri më tani, 179 efektivë kanë përfituar kredi me interes zero për blerjen e banesave, ndaj Rama me batutë u bëri thirrje efektivëve beqarë, që të martohen, mundësisht me ushtarake që të përfitojnë nga programi i kredive të buta.

“Beqarët janë për front, por edhe për kreditë. Patjetër dojeni të mirërpritur kur të martohen”, tha Rama.

Në vijim, Rama u shpreh se gjatë dekadës së fundit është shumëfishuar numri i rekrutimeve në FA, si dhe është pesëfishuar numri i studentëve në Akademinë e Mbrojtjes.

Një tjetër arritje është rritja e pjesëmarrjes së vajzave në radhët e ushtrisë, që ka kaluar nga 10% në mbi 20%.

Ndër prioritetet e ardhshme, ai përmendi forcimin e teknologjisë kibernetike, përmirësimin e shërbimeve dhe mirëmbajtjen e helikopterëve dhe pajisjeve ushtarake.

“Do fuqizojmë teknologjinë kibernetike, mbrojtjen civile, repartet e shërbimit dhe mirëmbajtjes së helikopterëve, korpusin. U rrit numri i vajzave që është dyfishuar nga 10 në mbi 20%. Është krenari për ne. Por edhe niveli i shërbimeve dhe numri i lartë i tyre, që kanë ndikuar edhe në jetën e civilëve. Po kështu numri i studentëve në akademi u pesëfishua”, shtoi kreu i qeverisë.

Ka mbetur dhe shumë pak kohë që Shqipëria të presë “Giro d’Italia”, një prej aktiviteteve më të famshme sportive në botë, ku do të finalizohet “La Grande Partenza 2025” – “Nisja e Madhe 2025”.

Ky event do të marrë vëmendjen e sportdashësve në mbarë botën, ku të gjithë do të kenë mundësinë që ta ndjekin drejtpërdrejt në mbi 200 televizione të botës.

Gara e famshme, me një traditë 114-vjeçare, do të mbledhë në datat 9, 10 dhe 11 maj çiklistët më të mirë të botës në Tiranë, Durrës dhe Vlorë, ku do të përshkojnë terrene të ndryshme për të arritur në pikën finale.

“Amerigo Vespucci”

Më 9 prill “Amerigo Vespucci”, një nga anijet më ikonike dhe prestigjioze të Marinës Italiane, simbol i historisë, traditës dhe pasionit për detin, do të ankorohet në portin e Durrësit.

Në kuadër të Giro d’Italia, ndalesa e “Amerigo Vespucci” në Durrës vjen dhe si një promovim i kulturës italiane në mbarë botën.

Në bordin e anijes do të krijohet një ambient i veçantë, ku do të ekspozohet edhe Trofeu “Senza Fine”, në praninë e 50 të ftuarve nga institucione të ndryshme dhe mediat.

Mes të ftuarve do të mbajnë fjalën e nderit Komandanti i “Amerigo Vespucci”, kryeministri Edi Rama, CEO i RCS Sports & Events, Paolo Bellino, përfaqësues nga Ministria e Mbrojtjes dhe Marina Ushtarake Italiane si dhe Ambasadori Italian në Shqipëri.

Tri etapat e nisjes së “Giro D’Italia” në Shqipëri

Itinerari, dita e parë më 9 maj 2025 – gjatësia 164 kilometra;

Nisja do jetë në Durrës, për të kaluar në drejtim të Bishqem-Fushë, Papër, Gracen dhe më pas për të përshkuar rrugën që të çon në Surrel dhe gjithë malin e Dajtit, e më pas në Tiranë.

1800 metra disnivel në 164 kilometra deri në Tiranë me një GPM të kategorisë së dytë pas 70 km, 13,5 km me 5,2% mesatare, 11% maksimale. Cirkuiti final prej 22 km ka në mes një ngjitje të shkurtër, për t’u përsëritur dy herë para sprintit të mundshëm.

Itinerari, dita e dytë (kronometër), më datë 10 maj 2025 – gjatësia 13,7 kilometra;

Nisja në Tiranë dhe fundi po në Tiranë. Kjo do jetë një garë e tipit fushor dhe qytetas, që do përshkojë gjithë Tiranën. Me nisje nga sheshi “Skënderbej”, në 13,7 kilometrat e garës do të përshkohen rrugët kryesore të qytetit dhe do të ketë gara me kronometër.Koha e ndërmjetme 8 km, një ngjitje e kategorisë së katërt prej 1,5 km me 6% pjerrësi. Gjysma e dytë në zbritje është e sheshtë deri në vijën e finishit, por do të nevojiten gjithashtu aftësi të mira drejtimi të mjetit.

Itinerari, dita e tretë më 11 maj 2025 – gjatësia 160 kilometra;

Nisja në Vlorë dhe fundi po në Vlorë.

Gjithçka në 11 maj 2025 nis nga Vlora dhe përshkon një pjesë të madhe të bregdetit të jugut. Vlorë – Peshkëpi – Qafa e Dushkut – Brataj – Qafa e Shkallës – Porto Palermo – Himarë – Qafa e Vishës – Iliaz – Qafa e Llogorasë – Orikum dhe mbërritja po në Vlorë. 2700 metra disnivel në 160 kilometra me nisje dhe mbërritje nga Vlora dhe dy GPM. E para e kategorisë së katërt, e dyta në më pak se 40 km para zbritjes që çon në vijën e finishit.

Më shumë se gjysma në Tiranë, ndjekur nga Durrësi, Vlora, Shkodra, Fier dhe Elbasani… edhe vitin e shkuar vijoi skema e mashtrimit “Dredhi në kredi”.

Me dokumente të falsifikuara apo mjete identifikimi të personave të tjerë, të paktën 29 persona morën kredi në banka dhe institucione të tjera financiare.

“Këto vepra penale janë bërë shqetësim për disa banka dhe subjekte financiare jo banka, jo vetëm për shkak të dëmit ekonomik të pësuar, por edhe për shkak të dëmit të konsiderueshëm reputacional. Në botë është futur edhe inteligjenca artificial me qëllim skanimin e personave që marrin kredi”, tha për A2 CNN, eksperti për ekonominë, Eugen Musta.

Veç kredive, mashtrimi vitin e shkuar u shtri edhe në drejtim të sigurimeve. Nga aksidente rrugore, dëme nga zjarre e përmbytje 20 vetë u përpoqën të mashtronin kompanitë e sigurimeve vitin e shkuar për të përfituara shuma të pamerituara. Në raport me 2023-shin numrin i procedimeve për këtë vepër penale u rrit me rreth 54 për qind.

“Neni 145 i Kodit Penal e përkufizon mashtrimin në sigurime si paraqitja e rrethanave të rreme në lidhje me objektin që sigurohet, ose krijimi i rrethanave të rreme dhe paraqitja e tyre në dokumentet duke përfituar padrejtësisht sigurime. Kjo vepër penale dënohet me gjobë ose me burgim deri në pesë vjet”, shtoi Musta.

Të dhënat nga Prokuroria e Përgjithshme tregojnë rreth 80 për qind e atyre 1% që mashtrojnë me kredi apo sigurime janë burra. (A2 Televizion)