Tarifa prej 10% që SHBA u ka vendosur të gjitha vendeve, përfshirë edhe Shqipërinë do të ndikojë edhe tek grumbulluesit e kultivuesit bimëve medicinale dhe aromatike.

Gazmend Koldashi një ndër grumbulluesit e këtyre bimëve thotë për A2, se tarifa është goditja e dytë për ta, pas rënies së tregut dhe tërheqjeve të stoqeve të të gjitha produkteve medicinale shqiptare. Sipas tij, mund ti çojë deri në falimentim.

Sipas tij tarifa prej 10% do të ndikojë edhe tek blerja e bimëve medicinale pasi një produkt që nga kultivuesit sot merret me 80 lekë do të bjerë në 70 lekë duke humbur edhe shpresat tek feremerët për kultivimin dhe grumbullimin e bimëve medicinale dhe aromatike në bjeshkët e vendit.

Koldashi thotë se qeveria duhet të marrë një vendim për përkrahjen e të gjithë fermerëve të industrisë së bimëve medicinale dhe aromatike pas vendosjes së tarifës. Vitin e kaluar prodhuesit dhe eksportuesit shqiptarë shitën në tregun amerikan 16.5 milionë euro bimë medicinale dhe aromatike nga 14 milionë euro në vitin 2023.

Aktori i njohur, Ndriçim Xhepa ka ndarë emocione në homazhet për nënën e tij, aktoren e njohur Margarita Xhepa, e cila u nda nga jeta ditën e djeshme në moshën 91-vjeçare.

Ndër të tjera aktori ka treguar për periudhën e fundit të jetës së saj, duke theksuar se ikona e kinematografisë shqiptare e mbylli jetën e saj në mënyrë normale pavarësisht se dy muajt e fundit kishte probleme shëndetësore.

Gjithashtu Ndriçim Xhepa ka treguar edhe një ‘peng’ të aktores së njohur, ku i pikëlluar zbulon se nëna e tij kishte dëshirë të realizonte edhe një film tjetër.

“Ajo çfarë konstatoj është që ndoshta dhimbjet në këto momente që e sheh konkretisht sa respektohet puna dhe vlera shpirtërore që ajo ka dhënë përmes profesionit që ajo bëri. Në 90 vite jetë ajo 70 vite i pati në ekran. Punoi me shumë dashuri, pasion, me një lloj këmbëngulje që vetëm njerëz që e kanë shumë brenda profesionin e tyre mund ta arrijnë. Unë vetë jam i biri, por kam përshtypjen që përmasat që ajo e zotëronte këtë lloj pasioni që e shfaqte kam frikë se nuk e kam.

E mbylli jetën e saj në mënyrë normale pavarësisht se pati probleme këto dy muajt e fundit të karakterit shëndetësor. Edhe lodhja e viteve bën të vetën, por ajo kishte një natyrë që kur binte muhabeti thoshte që ndoshta në skenë nuk kam më mundësi se skena do lëvizje. Kurse tek filmi e kishte një dëshirë dhe ëndërr që mund të bënte tjetër. Them se e mbylli ndoshta ashtu siç e deshi dhe zoti që roli i fundit që bëri sikur përkoi me jetën, ashtu siç erdh edhe finalja e mbylljes së jetës së saj. Mesa duket kështu ishte edhe perdja e jetës, por rëndësi ka që mënyra se si po respektohet sot nga populli kjo ëhstë kënaqësia më e madhe që mund të marri familja dhe mbi të gjitha ajo në atë shpirtin e saj që sot largohet nga kjo botë”, u shpreh djali i saj Ndriçim Xhepa./tvklan.al

Një zjarr ka shpërthyer në një pallat në zonën e Astirit, duke shkaktuar panik në banorët e tij. Sipas informacioneve fillestare, zjarrin e ka shkaktuar një paketë elektrike që ka ndjerë problem.

Banorët, për shkak të tymit të dendur, kanë hasur vështirësi për të dalë nga banesat e tyre.

Në vendngjarje kanë mbërritur shërbimet e zjarrfikësve, të cilët janë angazhuar për të shuar flakët dhe për të ndihmuar banorët e bllokuar.

Është ndarë nga jeta në moshën 91-vjeçare, një nga zonjat më të mëdha të teatrit dhe filmit shqiptar, Margarita Xhepa. Aktorja ndërroi jetë mëngjesin e sotëm rreth orës 3:00 në një spital në Tiranë. Prej kohësh aktorja vuante nga një sëmundje e mushkrive.

Margarita Xhepa do të përcillet në banesën e fundit nesër (4 prill), ndërkohë homazhet do të mbahen në orën 10:00-13:00 në hollin e Teatrit Kombëtar të Operas dhe Baletit.
Aktorja u lind më 2 prill 1934, në qytetin e Lushnjës, prej ku nisi edhe hapat e parë drejt karrierës së saj.

Gjatë karrierës së saj të pasur, Margarita Xhepa interpretoi mbi 150 role në teatër dhe 32 role në kinematografi.Veç suksesit me veprat e shumta të dramaturgëve shqiptarë, Margarita Xhepa ka korrur sukses edhe në rolet e dramaturgjisë botërore si, Ofelia tek “Hamleti”, vajza e dytë tek “Mbreti Lir”, dadoja tek “Romeo e Zhuljeta”, mbretëresha Margaret tek “Rikardi III”, etj.

Në vitin 1997, interpretoi në filmin grek “Mirupafshim” (regjisor J. Koras, K. Vupuras). Filmi u laureua me Çmimin e Madh në Festivalin Ndërkombëtar të Filmit Mesdhetar në Selanik, ndërsa Margarita Xhepa, Çmimin e Nderit.

Në vitin 2007 iu dha “Çmimi i Karrierës” për rolin e Nadjezhnës në monodramën “Kënga e mjellmës” së Çehovit.

Krahas teatrit, Xhepa është shfaqur në ekranin e filmit me një galeri të larmishme prej 32 rolesh.

Disa prej personazheve që interpretoi mjeshtërisht janë Zyraka te “Vitet e para” (1965), Shano te “Dimri i fundit” (1976), pianistja te “Koncert në vitin 1936” (1978) dhe Lena te “Tokë e përgjakur” (1976).