22-vjeçarja Ilaria Sula u zhduk në Romë në 25 mars. Tani, për familjarët e saj u fashit çdo shprese se studentja mund të ishte ende gjallë.

Mediat italiane njoftuan sot se trupi i pajetë i vajzës është gjetur brenda një valixheje në një zonë të pyllëzuar. Fillimisht qe raportuar 22-vjeçarja ishte larguar pas ndarjes me të dashurin e saj me origjinë filipinase.

Por duket se pikërisht ish partneri është i dyshuari kryesor i policisë për vrasjen. I riu tashme është arrestuar e po merret në pyetje nga policia italiane.

Prindërit dhe shoqet, që nuk kishin arritur të kontaktonin dot me vajzën, e kishin denoncuar menjëherë rastin pranë organeve të rendit.

Tabulatet dhe qelizat telefonike që tregojnë vendndodhjen e një personi kur bën një telefonatë, ishin në mesin e elementëve që zunë në kurth ish të dashurin e studentes.

Përmes analizimit të tyre, hetuesit arritën të zbulonin se në ditët pas zhdukjes së vajzës, 23-vjeçari filipinas kishte vazhduar të përdorte telefonin e saj dhe bënte postime nga profilet e Ilarias në mediat sociale.

“Menjëherë e kuptova që diçka nuk shkonte”, deklaroi nëna e viktimës, Gëzime Sula, e cila nxitoi për në Romë së bashku me të shoqin dhe djalin pasi mori vesh lajmin për gjetjen e trupit të 22-vjeçares.

Ndërsa shtoi: “Komunikonim me videocall dhe nuk dërgonte mesazhe. Më pas fola me miqtë e saj që jetonin me të dhe së bashku me bashkëshortin vendosëm të denoncojmë menjëherë zhdukjen e saj. Hetimet çuan menjëherë te djali me të cilin Ilaria ka pasur një lidhjenë të kaluarën, por ne dimë pak për të”.

Ish i dashuri filipinez i 22-vjeçares shqiptare Ilaria Sula ka pranuar krimin makabër që ka kryer në Itali.

Mediat vendase bëjnë me dije se Marc Samson ka pranuar që ka kryer krimin në Romë.

Ai ka thënë para oficerëve të policisë se vrau me thikë Ilaria Sulën, më pas e futi në një valixhe dhe e hodhi në pyll.

Pas vrasjes ai mori telefonin e studentes shqiptare, përmes të cilit postonte në rrjete sociale.

Sipas hetimeve fillestare, e reja kishte pasur një lidhje me të riun filipinas, i cili u dërgua në komisariat dhe më pas u arrestua me akuzën e vrasjes me dashje, si edhe fshehjes së kufomës.

Tabulatet e celularit të viktimës kanë “tradhtuar” 23-vjeçarin, i cili përdori telefonin e studentes shqiptare për të shkëmbyer mesazhe, si edhe për të publikuar postime në rrjetet sociale të Ilarias.

Policia italiane po kryen hetimet në një apartament në Via Homs, në lagjen afrikano të Romës, ku mund të ketë kaluar orët e fundit të jetës Ilaria Sula, e cila u gjet e vdekur në një valixhe në një pyll pranë Romës.

Sipas hetimeve paraprake, 22-vjeçarja, e cila rezultonte e zhdukur prej datës 25 Mars, u godit me thikë për vdekje.

Pista është që vrasja të ketë ndodhur në banesën ku jetonte i riu në Via Homs dhe më pas kufoma të jetë vendosur në një valixhe të madhe dhe më pas është hedhur në zonën pyjore ku u gjet mëngjesin e sotëm (2 Prill).

Hetuesit po kryejnë një sërë kontrollesh brenda shtëpisë pasi mund të ketë gjurmë gjaku që vërtetojnë se Ilaria është vrarë pikërisht aty.

Hetimet e mëtejshme po vijojnë në fshatin Poli ku u gjet valixhja me trupin e vajzës.

22-vjeçarja shqiptare Ilaria Sula, e cila ishte raportuar e zhdukur prej 25 marsit në Romë, është gjetur e vrarë në një zonë të pyllëzuar në Poli. Autor dyshohet i dashuri i saj, Mark Samson, i cili pas vrasjes trupin e shqiptares e futi në valixhe dhe e hodhi në humnerë në Poli.

E reja kishte pasur një lidhje me një 23-vjeçar filipinas Mark Samson, i cili është arrestuar nga autoritetet dhe ka pranuar edhe vrasjen. Ilaria studionte Statistikë në universitetin “La Sapienza”. Përveç familjarëve të saj, të cilët kishin ngritur alarmin në rrjetet sociale të martën, edhe shoqe e kolegë ishin mobilizuar për ta gjetur duke publikuar fotografi të shumta të saj. E reja me origjinë nga Lushnja, por prej shumë vitesh familja e saj ishte vendosur në Itali.

Ish-i dashuri u arrestua dhe rrëfeu vrasjen gjatë një marrjeje të gjatë në pyetje. Ai tha se e goditi me thikë Ilarian disa herë në banesën në via Homs, ku ai jetonte me prindërit e tij. Më pas trupin e fshehu në një valixhe. Fillimisht Samson, iu është përgjigjur të afërmve dhe miqve të së resë duke përdorur celularin e saj, të cilin më pas e ka hedhur në një pusetë. Samson ka rrëfyer se si më pas valixhen ku kishte fshehur trupin, e futi në makinë dhe e hodhi në një zonë të pyllëzuar në Poli.

“E hodha telefonin e saj në një pusetë në Romë dhe e ngarkova trupin e saj në makinë duke e çuar në Poli”.

Këto janë disa pjesë nga rrëfimi i Marc Samson, 22-vjeçari student i universitetit Sapienza, me prejardhje filipinase por i lindur në Itali, para prokurores Maria Perna, që po e merr në pyetje në polici bashkë me hetuesit. Prokuroria thekson se trupi nuk është copëtuar dhe se Samson ka ndihmuar hetuesit për të gjetur valixhen. Telefoni ende nuk është gjetur.

Atë e tradhtuan analizat e tabulateve telefonike, pasi ai kishte përdorur telefonin e viktimës për të postuar në profilin e saj në rrjetet sociale. Motivi është pasioni: Samsoni nuk e pranoi dot fundin e marrëdhënies me studenten e statistikës. Akuzat ndaj tij janë shumë të rënda: vrasje me dashje dhe fshehje kufome.

Sula kishte dalë mbrëmjen e 25 marsit, pa u përshëndetur me shokët e dhomës dhe nuk u ishte përgjigjur mesazheve të tyre në WhatsApp. Ndaj tij rëndojnë akuzat e vrasjes me dashje dhe fshehje të kufomës.