Policia e Shtetit ka njoftuar thirrjet për konkurse për pozicionet e “Drejtorit Vendor të Policisë” dhe “Shefit të Komisariatit” në disa drejtorive dhe komisariate të vendit, me qëllim promovimin e personelit me aftësi të larta, integritet dhe rezultate profesionale.

Në zbatim të urdhrave të Drejtorit të Përgjithshëm, konkurset janë hapur për pozicionet e mëposhtme:

-Drejtor në Drejtorinë Vendore të Policisë Durrës, për shkak të transferimit të drejtorit aktual në një DVP tjetër.

-Drejtor në Drejtorinë Vendore të Policisë Lezhë, pas shkarkimit nga detyra të punonjësit të përzgjedhur më parë.

Faza e aplikimeve për këto pozicione do të mbyllet më 22 janar 2026.Për sa i përket pozicioneve të shefave të komisariateve, thirrjet janë hapur për:

-Komisariati i Policisë Fier dhe Lushnjë (DVP Fier)

-Komisariati i Policisë Kavajë (DVP Durrës)

-Komisariati i Policisë Kolonjë (DVP Korçë)

-Komisariati i Policisë Mat dhe Bulqizë (DVP Dibër)

Shkaku i këtyre konkurseve është kryesisht transferimi i shefave aktualë ose ndërprerja e marrëdhënieve të punës, ndërsa faza e aplikimeve për këto pozicione do të mbyllet më 23 janar 2026.

Shumë persona që konsiderohen me rrezikshmëri të lartë po transferohen nga Drejtoria e Burgjeve drejt burgut të Fierit. 

Masat merren pas arratisjes së Altin Ndocit, ngjarje e ndodhur ditën e djeshme. 

Burgu i Durrësit nuk konsiderohet një burg i sigurisë së lartë, ndaj është parë e arsyeshme që personat me rrezikshmëri të lartë, të mos qëndrojnë më në këtë institucion të vuajtjes së dënimit. 

Bëhet fjalë vetëm për transferimin e personave me rrezikshmëri të lartë dhe jo zyrtarëve të arrestuar. 

Eni Çobani ka reaguar përmes rrjeteve sociale për videon e tre fëmijëve të raportuar të braktisur në Durrës.

Juristja e rubrikës “Shihemi në Gjyq” nga “E Diela Shqiptare” në Tv Klan tha se rastet që nënat pas divorcit apo ndarjes të jenë në gjendje jo të mirë ekonomike për shkaqe të ndryshme, janë të shumta.

Çobani shprehet se videoja e publikuar nga gjyshja e fëmijëve është e rëndë. Pasoja ka qenë te nëna, e cila është kthyer në një objekt kritikash, por palët duhen dëgjuar për të vlerësuar situatën.

“Të nxjerrësh një video të atillë nga po një grua tjetër që është vjehrra, nëna e bashkëshortit, për mua është shumë e rëndë. Nuk e di se kush ka qenë e mira në njëfarë mënyre. Ajo patjetër që ka menduar për nipërit e mbesat e veta, por nga ana tjetër ka dëmtuar rëndë gjendjen e tyre psikologjike dhe vazhdimësinë e jetës së një vajze, sikundër është nëna e tyre. Unë nuk i njoh zonjat, nuk njoh as nënën, nuk njoh vjehrrën, e kam ndjekur edhe si qytetare, edhe si nënë dhe sigurisht kam parë me shumë keqardhje sesi është degraduar fakti, sesi është folur rëndë për këtë nënë, sesi i janë vënë epitete nga më të ndryshmet. Po, sigurisht ngjarja ka anët dhe dritëhijet e saj për të cilat ne nuk mund të flasim pa i dëgjuar të dyja palët dhe pa e parë situatën.”

Parku fotovoltaik i Karavastasë, vepra gjeneruese më e madhe në vend e energjisë diellore është stakuar për shkak të përmbytjes masive.

Në videon e mëposhtme pamjet tregojnë se uji ka vërshuar në të gjithë territorin e parkut diellor të kompanisë franceze Voltalia.

Stakimi i parkut është bërë pasi uji arriti në afërsi të paneleve.

Ndonëse këto të fundit kanë një lartësi prej 1.5 metër nga toka, uji ka arritur deri në 1.2 metër.

Tashmë inxhinierët e Voltalias janë duke bërë vlerësimin e dëmeve, ndërkohë që impianti pritet të vihet sërish në punë pas një jave.

Parku fotovoltaik i Karavastasë ka një fuqi të instaluar prej 140 MW. Kjo vepër ka kushtuar rreth 140 milionë euro dhe është ndërtuar nga gjigandi francez Voltalia.

Ndërtimi i impiantit gjenerues të Karavastasë zë fill në vitin 2020, kur qeveria shqiptare e prokuroi këtë vepër përmes një ankandi.

Voltalia u shpall fituese në ankandduke ofruar një çmim të shitjes së energjisë për shtetin 24.89 euro për mega.

Sipas marrëveshjes shteti ble automatikisht gjysmën e energjisë së prodhuar nga ky impant për çmimin 24.89 euro për mega, ndërkohë që Voltalia ka të drejtë që gjysmën tjetër ta shesë në treg të lirë.