Në Topojë të Fierit ndodhet një objekt të cilin banorët e konsiderojnë të shenjtë. Me origjinë të panjohur, por me pamje dhe gdhendje të periudhës antike, guri i “Shën Janit” është kthyer në vend pelegrinazhi për besimtarë nga zona të ndryshme të vendit.

Gjena Gjoni 75 vjeçe kujdeset për gurin prej 30 vitesh.

Për vizitorët është një ritual shprese dhe besimi, kurse për vendasit ky gur mermeri përcjell një përzierje ndjesish, mes frikës dhe adhurimit. Shkak u bënë disa fatkeqësi, pas hedhjes së gurit në ujërat e kanalit vaditës, që detyruan autorët e këtij veprimi ta nxirrnin dhe vendosnin në vendin ku ishte më parë.

Përtej legjendës dhe rastësisë tragjike që u komentua si ndëshkim hyjnor, guri i “Shën Janit” i përkiste kishës me të njëjtin emër në këtë zonë. Burimet historike tregojnë se objekti I kultit është ndërtuar midis shekullit të pestë dhe dhjetë të erës sonë.

Ndodhej mes fshatrave Shën Pjetër dhe Topojë në zonën e quajtur rrethinat e Apolonisë. Në vitin 1967 nga kisha paleokristiane, kishin mbetur vetëm disa gurë të cilët u zhvendosën apo u përdorën si materiale ndërtimi. Guri I “Shën Janit” është I vetmi që u ruajt duke u kthyer në legjendë./abcnews.al

Një aksident tragjik me pasojë vdekjen është shënuar në orët e para të mëngjesit të sotëm në Libofshë të Fierit. 62 – vjeçari Xhoxhi Prifti, ka humbur jetën teksa po punonte tokën e tij bujqësore me traktor.

Sipas burimeve nga vendngjarja, dyshohet se gjatë procesit të punës mjeti bujqësor është përmbysur duke i shkaktuar vdekjen e menjëhershme.

Policia është njoftuar menjëherë dhe ka mbërritur në vendngjarje, ku po kryen veprimet hetimore për zbardhjen e plotë të rrethanave të këtij aksidenti tragjik.

“Fier/Informacion paraprak

Në datë 14.12.2025, në fshatin Libofshë, shtetasi Xh. P., 62 vjeç, duke punuar tokën me mjet zetor, dyshohet se mjeti është përmbysur dhe e ka zënë poshtë shtetasin Xh. P., i cili për pasojë ka humbur jetën.

Grupi hetimor po punon për zbardhjen e rrethanave të rastit”, njofton policia.

Spitali Rajonal Fier ka përfituar një ndihmë të rëndësishme falë një akti humanitar nga “Associazione Croce Bianca Milano ODV”.

Presidenti i përgjithshëm i shoqatës, Marco Antonio Zema, ka firmosur dhurimin e një ambulance Fiat Ducato, e cila tashmë do t’i shërbejë komunitetit fierak për raste urgjencash dhe transport mjekësor.

Kjo ndihmë nuk do të ishte e mundur pa ndërmjetësimin e mjekut shqiptar Nuredin Sadikaj, i cili, ndonëse prej shumë vitesh jeton në emigracion, nuk e ka harruar vendlindjen e tij.

Përmes përkushtimit dhe angazhimit të tij personal, u bë e mundur që ambulanca t’i dhurohej Spitalit të Fierit, duke sjellë një kontribut të vlefshëm për përmirësimin e shërbimeve shëndetësore.

Dhurata është e destinuar ekskluzivisht për qëllime humanitare dhe nuk mund të përdoret për veprimtari tregtare.

Një falënderim i veçantë për Marco Antonio Zema dhe mjekun Nuredin Sadikaj, për humanizmin e treguar.

Në Katedralen e Shën Gjergjit, në qendër të Fierit, gjenden disa objekte antike, 2400 vjecare por që kanë mbetur jashtë vemendjes. Sipas historianit Ilirjan Gjika, këto objekte duhet të përfshihen në guidat turistike dhe të shërbejnë si pikë reference për turistët.

Nga Marsela Topi / Një kolonë cilindrike prej guri gëlqeror, e cila sipas historianit Ilirjan Gjika mund të ketë ardhur nga rrënojat e Apolonisë gjendet ne kishën e Shen Gjergjit.

Objekti është përdorur si spolie në muret e kishës, ndërsa prova më e qartë e vjetërsisë së saj është një foto-kartolinë e viteve 1930, ku kolona shfaqet pa selvinë, e cila është mbjellë më vonë. Sot, kolona dhe selvia “bashkëjetojnë”, duke formuar një ansambël unik ndërtimor.

Pesë objektet e tjera, janë gjetur vetëm një vit më parë gjatë punimeve për ndërtimin e Mitropolisë së re.

At Dhimitër Loshi shpjegon se prane kishes ka qene nje varreze. Sipas tij, kolona cilindrike mund të ketë qenë një nga kolonat e tryezës së shenjtë, ndërsa pesë objektet e reja të zbuluara me vone, përdoreshin si gurë varresh.

Historiani Ilirjan Gjika thekson se këto objekte, më të vjetrat e qytetit duhet të përfshihen në guidat turistike dhe të shërbejnë si pikë reference për turistët e huaj, duke u bërë pjesë e tureve kulturore.

Kisha e Shën Gjergjit është e shpallur monument kulture dhe nën mbrojtjen e shtetit, garanton ruajtjen e trashëgimisë historike dhe arkeologjike te saj.

shqiptarja.com

Një 52- vjeçar nga lagja Konferenca e Pezës në qytetin e Fierit ka rënë nga kati i pestë i një pallati dhe ka përfunduar në ballkonin e katit të dytë po të këtij pallati.

Ai ka qenë në ballkonin ku banonte në katin e pestë duke pirë cigare ku dhe ka rënë. Ende nuk dihet shkaku por dyshohet se ai vuan nga probleme të shëndetit mendor.

Në vendngjarje ka shkuar policia dhe zjarrëfiksja të cilat bënë të mundur ta zbresin nga kati i dytë ku kishte rënë.

Nuk dihet ende gjendja e tij shëndeësore por gjatë zbritjes ai ka lëvizur dhe më pas është dërguar në Spitalin Rajonal/ shqiptarja.com