Home Blog Page 71

Apolonia fiton 2-0 ndaj Besës, portieri Kaçaj hero me dy penallti të pritura

By
admin
-
0
Apolonia fiton 2-0 ndaj Besës, portieri Kaçaj hero me dy penallti të pritura

Apolonia ka vazhduar momentin e saj pozitiv duke arritur fitoren e tretë radhazi në javën e 14-të të Kategorisë së Parë.

Sot, në stadiumin “Loni Papuçiu”, fierakët e drejtuar nga Jovanovic mposhtën Besën me rezultatin 2-0, në një ndeshje plot emocione dhe raste.

Trajneri Jovanovic e nisi ndeshjen me këtë formacion: Kaçaj, Asllanaj, Ndubuisi, Folorunsho, Amagba, Ayivi, Lleshi, Topi, Rakipaj, Hoxhaj, Sulo.

Pjesa e parë ndonëse tejet e luftuar dhe me raste u mbyll pa gola.

Pjesa e dytë nis me një 11 metërsh për kavajasit, por goditjen e brazilianit William Corderio e pret portieri Kaçaj.

Më pas Apolonia shpërthen duke shënuar dy herë me Topin në minutën e 56-të dhe Hoxhajn në të 68-ën, të cilët vulosën suksesin e rëndësishëm për fierakët.

Në minutat e fundit të ndeshjes kemi një tjetër 11 metërsh për miqtë, por sërish Kacaj bën mrekullinë duke pritur goditjen e Hasanit.

Pas këtij takimi ekipi fierak renditet në vendin e katërt me 22 pikë.

Renditja:

“Diti Sallon” zbukuron Pediatrinë e Fierit për festat e fundvitit

By
admin
-
0
“Diti Sallon” zbukuron Pediatrinë e Fierit për festat e fundvitit

Në prag të festave të fundvitit, Pediatria e Fierit është zbukuruar me elemente festive të dhuruara në mënyrë vullnetare dhe me shpenzimet e veta personale nga “Diti Sallon”.

Nisma u realizua me qëllim krijimin e një atmosfere më të ngrohtë dhe më pozitive për fëmijët që ndodhen nën kujdes mjekësor.

Ky gjest nuk është i rastësishëm. Prej 5 vitesh, “Diti Sallon” kontribuon në mënyrë të vazhdueshme për familjet në nevojë dhe për institucionet që kujdesen për fëmijët dhe të moshuarit në qyetin e Fierit.

Aksident në Fier, makina humb kontrollin dhe përplas mjetin e parkuar! 1 i plagosur

By
admin
-
0
Aksident në Fier, makina humb kontrollin dhe përplas mjetin e parkuar! 1 i plagosur

Një aksident është regjistruar disa minuta më parë në unazën jugore të qytetit të Fierit. Aksidenti ka ndodhur pasi një automjet ka humbur kontrollin dhe ka goditur një mjet të parkuar.

Si pasojë e përplasjes ka mbetur i lënduar drejtuesi i mjetit në ecje i cili është transportuar drejt Spitalit Rajonal të qytetit ku ndodhet nën kujdesin  e mjekëve. Shërbimet e policisë ndodhen në vendngjarje.

Sot, 84 vjetori i lindjes së aktorit të shquar të Estradës së Fierit dhe Kinematografisë Shqiptare, Luftar Paja

By
admin
-
0
Sot, 84 vjetori i lindjes së aktorit të shquar të Estradës së Fierit dhe Kinematografisë Shqiptare, Luftar Paja

Luftar Paja lindi në 1 dhjetor 1941, në Gorishovë (Cakran, Fier).

Aktivitetin teatror do ta niste qysh në moshë të hershme, në radhët e lëvizjes amatore, ndërkohë që në vitin 1963 do të diplomohej në kursin e aktorëve pranë Teatrit Popullor në Tiranë.

Më pas, për tri dekada, do të ishte një prej aktorëve kryesorë të Estradës dhe Teatrit ‘’Bylis’’ të Fierit.

I shquar kryesisht si aktor i zhanrit të humorit, ai do të “skaliste’’ me mjeshtërinë dhe talentin e vet me dhjetra personazhe dhe karaktere, që kanë mbetur të pashlyera në memorien e spektatorit dhe publikut shqiptar.

Duke përfshirë edhe angazhimin në Teatrin Kombëtar, Luftar Paja numëron në repertorin e tij artistik 700 figura dhe personazhe të realizuara.

Një kontribut të shquar ai ka dhënë edhe në Kiematografinë shqiptare, duke interpretuar në 30 filma artistikë.

Për merita dhe kontribute në teatër dhe kinematografi, Luftar Paja është vlerësuar me çmime të ndryshme, përfshirë edhe titujt:

‘’Artist i Merituar’’, ‘

’Artist i Popullit’’,

“Medalja Naim Frashëri”,

‘’Qytetar Nderi’’ i Fierit,

‘’Nderi’’ i Qarkut Fier,

“Simbol” i Qytetit të Tiranës, etj.

Pensionistët marrin bonusin/ Nga sot, 756 mijë pensionistë mund të tërheqin nga 10 deri në 15 mijë lekë

By
admin
-
0
Pensionistët marrin bonusin/ Nga sot, 756 mijë pensionistë mund të tërheqin nga 10 deri në 15 mijë lekë

Ka nisur nga sot shpërndarja e bonusit të fundvitit për 756 mijë pensionistë.

Pagesa merret sipas datës për secilin pensionist, ndërsa shuma varion nga 10 mijë deri në 15 mijë lekë të reja.

Në një postim në rrjetet sociale, ministrja e Ekonomisë dhe Inovacionit, Delina Ibrahimaj, bëri të ditur nëpërmjet një postimi në rrjetet sociale, se ka nisur sot shpërndarja e bonusit të pensionistëve në të gjithë vendin.

“Me kënaqësi njoftoj se nisi sot shpërndarja e Bonusit, mbështetja për pensionistët për festat e fundvitit!

– 15,000 lekë për pensionet deri 20,000 lekë dhe kategori të tjera përfituesish.

– 10,000 lekë për pensionet mbi 20,000 lekë dhe trajtime të veçanta financiare.

Shpërblimet jepen nga 1 dhjetori 2025 dhe mund të tërhiqen deri më 30 qershor 2026″, shkruan Ministrja Ibrahimaj.

Sipas Ibrahimajt, nga shpërblimi i parashikuar do të përfitojnë 762,740 pensionistë dhe përfitues të tjerë nga të cilët 640,325 janë pensionistë në pension pleqërie dhe 2,322 në pension social, 65,232 persona në pension invaliditeti, 48,087 persona në pension familjar, 6,774 persona me një trajtim të veçantë financiar si minatorë të nëntokës, punonjës të ish-ndërmarrjeve ushtarake dhe ushtarakë në pension të parakohshëm.

Shpërblimi do të paguhet gjatë gjithë muajit dhjetor 2025 dhe kur nuk tërhiqet brenda këtij muaji mund të tërhiqet deri në 30 Qershor të vitit 2026.

Aksident me vdekje në aksin Roskovec- Berat! Makina përplas qytetarin që lëvizte me biçikletë

By
admin
-
0
Aksident me vdekje në aksin Roskovec- Berat! Makina përplas qytetarin që lëvizte me biçikletë

Një aksident me vdekje ka ndodhur paraditen e kësaj të hëne në aksin Roskovec- Berat, pranë fshatit Strum.

Një automjet ka përplasur një person i cili po udhëtonte me biçikletë dhe për pasojë ka humbur jetën.

“Rreth orës 10:00, në aksin rrugor “Fier-Berat”, në Strum, automjeti me drejtues shtetasin J. T., është përplasur me biçikletën që drejtohej nga shtetasi G. Xh., 50 vjeç, banues në Strum. Si pasojë e përplasjes ka humbur jetën shtetasi G. Xh.

Drejtuesi i automjetit është shoqëruar në Komisariat për veprime të mëtejshme procedurale. Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit”, njoftoi sot policia.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

𝑲𝒖𝒋𝒕𝒐𝒋𝒎ë 𝒔𝒐𝒕 𝒏ë 𝒅𝒊𝒕ë𝒏 𝒆 𝒍𝒊𝒏𝒅𝒋𝒆𝒔, 𝒂𝒌𝒕𝒐𝒓𝒊𝒏 𝒆 𝒕𝒆𝒂𝒕𝒓𝒊𝒕 “𝑩𝒚𝒍𝒊𝒔”, 𝑫𝒉𝒊𝒎𝒊𝒕ë𝒓 𝑱𝒂𝒏𝒐

By
admin
-
0
𝑲𝒖𝒋𝒕𝒐𝒋𝒎ë 𝒔𝒐𝒕 𝒏ë 𝒅𝒊𝒕ë𝒏 𝒆 𝒍𝒊𝒏𝒅𝒋𝒆𝒔, 𝒂𝒌𝒕𝒐𝒓𝒊𝒏 𝒆 𝒕𝒆𝒂𝒕𝒓𝒊𝒕 “𝑩𝒚𝒍𝒊𝒔”, 𝑫𝒉𝒊𝒎𝒊𝒕ë𝒓 𝑱𝒂𝒏𝒐

Dhimitër Jano (1945-2005), aktor i teatrit “Bylis”, lindi në Fier, më 1 dhjetor 1945.
Kreu Institutin e Lartë të Arteve në vitin 1972 dhe pas përfundimit të studimeve u emërua në teatrin “Bylis”.

Në këtë skenë, ai kontribuoi për 43 vjet, ku do të interpretonte rreth 5️⃣0️⃣ role.
🎬 Dhimitër Jano ishte edhe aktor i Kinematografisë Shqiptare, ku do të luante edhe në disa filma artistikë si: “Emblema e dikurshme”, “Fejesa e Blertës”, “Hije që mbetën pas”, “Bregu i ashpër”, etj.

💐I paharruar kujtimi dhe arti që na përcolli, Dhimitër Jano🕯🙏!

Vritet me armë zjarri biznesmeni në Elbasan, gjendet i vdekur në Range Rover në karburantin e tij

By
admin
-
0
Vritet me armë zjarri biznesmeni në Elbasan, gjendet i vdekur në Range Rover në karburantin e tij

Një biznesmen është gjetur i vrarë me armë zjarri mbrëmjen e sotme në Elbasan.

Edmond Hyka alias Mondi Mëhalla, 43 vjeç,  është gjetur i pajetë brenda një makine tip “Range Rover”, në karburantin “Xhaxhi Oil” në pronësi të tij, në dalje të Elbasanit.

 

Sipas dyshimeve paraprake biznesmeni është qëlluar me armë zjarri pistoletë

Nesër, gara e kuajve të shpejtësisë në Darezezë

By
admin
-
0
Nesër, gara e kuajve të shpejtësisë në Darezezë

E diela e nesërme do të jetë një ditë ndryshe për gjithë qytetaret e Fierit, pasi në plazhin e Darëzezës do të jetë gara e shumëpritur e kuajve Galoper (kuajt e shpejtesise), ku shpejtesia e tyre nuk ka limit.

Ne kete gare do te jene te pranishem kuaj nga Shqiperia, Kosova dhe Presheva.

Qyteti i Fierit do te perfaqesohet nga kali Ciri.

Gara do të fillojë në orën 10:00 të mëngjesit dhe premton emocione të papërsëritshme për të gjithë të pranishmit.

Apolonia merr tre pikë në Gjirokastër dhe ngjitet në vendin e katërt

By
admin
-
0
Apolonia merr tre pikë në Gjirokastër dhe ngjitet në vendin e katërt

Apolonia ka marrë një fitore të rëndësishme në Javën e 13-të të Kategorisë së Parë, duke triumfuar 0–2 në Gjirokastër kundër Luftëtarit dhe duke prishur debutimin e trajnerit Bledar Devolli.

Pjesa e parë u mbyll pa gola, por në të dytën ishte Ayivi që zhbllokoi rezultatin, ndërsa Trifoni vulosi fitoren me golin e dytë, duke i dhënë Apolonisë tre pikë me shumë vlerë në garën për vendet e larta të renditjes

Pas 13 javësh kampionat, Apolonia ngjitet në vendin e katërt me 19 pikë.

1...707172...153Page 71 of 153
© Newsmag WordPress Theme by TagDiv