Nga Ilva Mile / Stigma dhe besimi te shëruesit mistik në Shqipëri

Në kulturën shqiptare, stigma që rrethon kërkimin e ndihmës nga profesionistët e shëndetit mendor ecën krah për krah me normalizimin e besimeve dhe frekuentimin e magjistarëve, fallxhorëve, parashikuesve apo shëruesve mistikë.

Pavarësisht bindjeve personale, vizitat tek këta “shërues” janë kaq të zakonshme, sa pak janë ata shqiptarë që nuk e kanë menduar të paktën një herë se mund të gjejnë ngushëllim në këto metoda.

Shumë njerëz i drejtohen magjistarëve kur ndihen të bllokuar në një aspekt të jetës, si p.sh. kur nuk arrijnë të jenë të suksesshëm në karrierë apo kur hasin vështirësi në gjetjen e një partneri të përshtatshëm.

Shumë shpesh, këta “magjistarë” i bindin klientët se pengesat që përjetojnë janë si pasojë e magjisë dashakeqe apo forcave të jashtme, gjë që rrit ankthin dhe rëndon gjendjen emocionale.

Tendenca për t’i besuar më shumë metodave mistike sesa ndihmës së psikologut lidhet me faktin se është më e lehtë të atribuohet çdo problem i jetës së përditshme faktorëve të jashtëm sesa të pranohet se sfidat në marrëdhënie lidhen me komunikimin, mungesën e vetëbesimit, pasigurinë, xhelozinë apo traumat e së kaluarës.

Në përpjekje për zgjidhje “të menjëhershme”, shumë njerëz rrezikojnë të përkeqësojnë gjendjen e tyre duke refuzuar të ndërgjegjësohen dhe të adresojnë problemet reale — probleme që mund të trajtohen më së miri përmes psikoterapisë.

Nuk janë të rralla rastet kur ankthi apo shqetësimet emocionale kanë agravuar vetëm për shkak të përdorimit të metodave të dyshimta dhe jo serioze.

Mungesa e ndërgjegjësimit, stigma dhe turpi që lidhen me kërkimin e ndihmës psikologjike janë të prekshme dhe pjesë e kulturës tonë.

Dëmi emocional dhe financiar që shkaktojnë sharlatanët mund të parandalohet përmes politikave edukative dhe ndërgjegjësuese mbi rëndësinë e kujdesit ndaj shëndetit mendor dhe mirëqënies emocionale.

Historia e 16-vjeçares Daniela, e cila vuan nga skolioza, u tregua sot në emisionin “Për shqiptarët” në Top Channel.

Ajo ka lindur me skoliozën, dhe rrëfen sesa e vështirë ka qenë jeta e saj, që përpos sëmundjes, ka duruar edhe bullizimin dhe përbuzjen nga të tjerët.

“Qëkur kam lindur, kam qenë e shoqëruar nga një sëmundje që më ka shkaktuar vetëm vuajte. Gjatë ëprditshmërisë, kam marrje fryme të shpeshtë. Nuk rri gjatë e ulur sepse më vështirëson qëndrimin. Kur shikoj veten në pasqyrë mendoj se nuk jam kjo, them pse nuk e kam shtyllën e drejtë si të gjithë. I kam mohuar vetës shumë gjëra, të mos jem si të tjerët, mos të vishem si të tjerët, mos të lumturohem si të tjerët. E gjithë jeta ime është vuajtje. Ditën e parë të shkollës në gjimnaz, të tjerët takoheshin, unë i shikoja nga larg”-tha Daniela.

Daniela thotë se nuk ka asnjë shoqe përveç nënës së saj.

“Nuk kam kam asnjë shoqe. Mendojnë se jam ndryshe nga ata. Ëndërroj të jem si gjithë të tjerët, mos të jem kaq e vetmuar. Shumë herë kam menduar, kur përballesha me sulmet e të tjerëve, mendoja të mos ekzistoja fare, mos do ishte më mirë për ta”.

Ajo ka edhe një apel për të gjithë shqiptarët që të kryejë operacionin.

“Do doja nga të gjithë shqiptarët, nga mirësia e tyre, të kontribuojnë dhe për mua. Të më mundësojnë të jem si të gjithë të tjerët, sepse dhe unë meritoj një mundësi të dytë. Të japin sa kanë ata, sepse një mundësi e tyrja e vogël, është një shans i madh për mua”-përmbyll rrëfimin e saj 16 vjeçarja.

“Ka thënë nuk e dua jetën, do vras veten. Nëse nuk operohem, nuk e dua jetën ka thënë. Çdo ditë e mendoj, kam frikë, do merrja fund”-tregoi mes lotësh nëna e Danielës.

Ish-kryeministri Fatos Nano është ndarë nga jeta në moshën 73-vjeçare.

Prej më shumë se 3 javësh Nano gjendej i shtruar në një spital privat në kryeqytet në gjendje të rëndë.

Nano kishte pësuar vdekje klinike (arrest kardiocirkulator) në shtëpi dhe mbahej në vëzhgim nga mjekët.

Policia e Shtetit ka hapur konkurrimin për pozicionin e drejtorit në dy departamente, në Policinë e Shtetit.

Sipas njoftimit, aplikantët do konkurrojnë për pozicionet: “Drejtor Departamenti” në Departamentin për Kufirin dhe Migracionin dhe “Drejtor Departamenti” në Departamentin për Marrëdhëniet Ndërkombëtare”.

Faza e aplikimeve do të jetë e hapur nga data 03.11.2025, ora 08:00, deri më datë 11.11.2025, ora 16:00. Për këtë pozicion mund të aplikojnë punonjësit e policisë që mbajnë njërën nga gradat e rolit të mesëm drejtues

Njoftimi i Plotë:

Mbështetur në pikën 1, pikën 2, germat “c” dhe “l” të nenit 55, si dhe në pikat 3 dhe 4 të nenit 61 të ligjit nr. 82/2024 “Për Policinë e Shtetit”, në Vendimin e Këshillit të Ministrave nr. 641, datë 16.10.2024 “Për miratimin e rregullores për përzgjedhjen e kandidatit për zëvendësdrejtor të përgjithshëm, drejtor të departamentit, drejtor të drejtorisë vendore dhe shef të komisariatit, në Policinë e Shtetit”, si dhe në nenet 29-49 të Vendimit të Këshillit të Ministrave nr. 112, datë 24.02.2025 “Për miratimin e Rregullores së Policisë së Shtetit”, Policia e Shtetit shpall thirrjen për paraqitjen e shprehjes së interesit për konkurrim për pozicionet “Drejtor Departamenti” dhe “Drejtor Vendor i Policisë”.  

Me qëllim zhvillimin e një procesi vlerësimi objektiv, transparent dhe gjithëpërfshirës, si dhe nxitjen e konkurrencës profesionale dhe drejtuese në përzgjedhjen e kandidatëve që shfaqin aftësi, rezultate të larta, integritet moral dhe profesional për promovimin në detyrë të punonjësve të Policisë, Drejtori i Përgjithshëm i Policisë së Shtetit ka urdhëruar hapjen e aplikimeve për konkurrim për pozicionet:    

 “Drejtor Departamenti” në Departamentin për Kufirin dhe Migracionin;