Dy javë nga miratimi i kërkesës së Furnizuesit e Shërbimit Universal, që rriste çmimin e energjisë me mbi 57% për karikuesit elektrikë dhe familjarët me shtesë fuqie mbi 11 Kw, ka ardhur kundërshtimi i parë zyrtar ndaj këtij vendimi të Entit Rregullator të Energjisë.

Bëhet fjalë për një kërkesë të dy shoqatave të taksive në vend, të cilat kanë parashtruar pranë këtij enti mundësinë për rishikim/pezullim të vendimit.

Enti nuk ka publikuar ende kërkesat dhe pikat me të cilat nuk janë dakord shoqatat por parashikon që kjo të jetë çështja e parë e diskutimit në mbledhjen e radhës së Bordit, ditën e nesërme.

Mbi shqyrtimin e kërkesave të Shoqatës “Taksitë e Klasit të Parë” dhe Sindikatës Shqiptare të Taksive për pezullimin/rishikimin e vendimit të Bordit të ERE-s nr. 255, datë 15.10.2025, “Mbi përcaktimin e çmimit të shitjes së energjisë elektrike për karikimin e makinave elektrike në pikat/stacionet e karikimit me fuqi të instaluar mbi 11 kW”, thuhet në pikën e parashtruar në listën e çështjeve në rend dite.

Vendimi i ERE-s

Me një vendim të datës 15 tetor, Enti miratoi çmimin e ri për pikat/stacionet e karikimit me fuqi të instaluar mbi 11 kW, që rriste çmimin e energjisë për këto kategori nga 14 lekë që është aktualisht, në 22 lekë/kWh. Ky vendim hyn në fuqi nga data 1 nëntor. Energjia për këto kategori do të paguhet 15% më shumë se çmimi normal, çka rezulton në një tarifë 25.3 lekë/kWh.

FSHU kërkoi rishikim të çmimit për kategorinë e pikave të karikimit të makinave elektrike dhe të qytetarëve që instalojnë kapacitet mbi 11 KW, në funksion të karikimit të makinave për shkak se rritja e numrit të përdoruesve ka krijuar kosto të lartë te disbalancat.

Nisur nga të dhëna e analizuar, kosto mesatare mujore e disbalancave mbi plan dhe konsumit mesatar mujor të pikave/stacioneve të karikimit të makinave elektrike arrin në 8 lekë/kwh. Duke marrë në konsideratë parimet mbi të cilat kryhet përcaktimi i çmimeve si: kostoreflektuese, transparente dhe jodiskriminuese, vlerësojmë se kjo kosto duhet të shtohet mbi çmimin e shitjes së energjisë elektrike për klientët e lidhur në nivelin e tensionit 0.4 kV meqenëse kosto e disbalancave e planifikuar mbështetur në vlerat e lejuara nga ERE mbulohen nga çmimi 14 lekë/kWh

Çmimi i ri i energjisë për këtë segment pritet të hyjë në fuqi nga 1 nëntori ndërkohë që mbetet për t’u parë qasja që do të ketë Enti ndaj kërkesës së grupeve të interesit që preken nga ky vendim./Monitor

Psikologia e njohur, Denata Toçe, gjatë një lidhje direkte për emisionin “Të Paekspozuarit” në MCN TV, ka folur për tre vrasjet e ndodhura ditën e martë, të cilat ishin të treja për motive banale.

Toçe shpjegoi se shoqëria është e bazuar në norma kulturore të dhunshme, ndërkohë që foli për dhunën në familje, deri te dhuna politike dhe modelet negative që njerëzit shohin te udhëheqësit politikë, të cilët përfliten vetëm për vjedhje.

“Kemi të bëjmë me problematika të shëndetit mendor. Në të treja rastet tregohet qartë reagim i fortë impulsiv, shkatërrues, duket sikur pika e fundit sjell derdhjen e të gjithë irritimeve, problematikave jetësore, që lidhen me problemet në shoqërinë tonë.

Nuk është vetëm çështje e problemeve të edukimit, por kemi një trashëgimi kulturore, për sa i përket menaxhimit, kemi norma kulturore bazuar në dhunë. E përqëndrojmë zgjidhjen, te zgjidhjet vetjake. Sidomos te gjinia mashkullore, që vazhdon akoma të ruhet nderi, si më sheh shtrembër, mbrojtja e nderit dhe krenarisë, vjen me element bazik, frustrime kafshërore, si pasojë e mos ndërtimit të esencës, thelbit të vlerave, dashurisë, sigurisë, që këta persona nuk i kanë patur.

Kemi mungesë diagnostikimi të shumë individëve, që janë kriminelë, që kanë veprime impulsive, që janë nga personalitetet narcistike, paranojake, çrregullieve të personalitetit, skizoide të forta, djali që vret babain se nuk e linte rehat të hante… Duket si banale, por është gjendje e vazhdueshme që jetojnë në familje, me prindër që mund të jenë të shoqëruara me trauma, problematika emocionale, mungesë empatie, prindër që kanë trashëguar dhunë në familje, nuk janë pasoja rastësosre.

Kemi të trashëguar dhunën në familje, sa vjen e rriten shifrat. Të shohësh babain që rreh nënën, dhuna fizike, prikologjike, uni i fortë në familje, arkaizmi patriarkal, jo më larg se disa ditë më parë një nënë më dëshmonte, që të ngrihet zëri në një familje të caktuar vetëm një vështrim të bëjë babai, le më pastaj dhuna që jeton aty. Si te gruaja, te fëmijët, etj. Këto ngjarje janë ngjarje e reflektimit të modeleve që trashëgojmë, jo vetëm brenda familjes së vogël, por edhe familjes së madhe. Deri tani po flisni për krimin shtetëror dhe nuk i bën më përshtypje njeriut, që modelet qeverisëse janë më të shëmtuara, ku është legjitimuar vjedhja. Pse një vend i tillë që zhvatet, mundet mos të trashëgojë frustrim social? Kjo ndërgjegje sociale është prekur rëndë”, tha ndër të tjera Toçe.

Qeveria ka miratuar në parim marrëveshjen ndërmjet Qeverisë së Republikës së Shqipërisë dhe Qeverisë së Republikës së Italisë për bashkëpunim strategjik në fushat:

• Kujdesi shëndetësor

• Energjia

• Mjedisi

• Industria e sigurisë dhe mbrojtjes

• Menaxhimi i migracionit

• Arsimi

• Inovacioni

• Diaspora

• Transformimi ekonomik

• Rritja inteligjente

Sipas qeverisë, vendimi synon të formalizojë bashkëpunimin strategjik dhe të thellojë marrëdhëniet dypalëshe midis Shqipërisë dhe Italisë, duke krijuar një kuadër të strukturuar për projekte dhe iniciativa të përbashkëta në fushat e sipërpërmendura.