Në ditën e 15-të të grevës, naftëtarët e Patos‑Marinzës e kanë zhvendosur protestën e tyre përballë zyrave të kompanisë “Bankers Petroleum” në Fier.

Me pankarta në duar dhe thirrjet “Turp t’ju vijë”, ata kanë kërkuar njëzëri reagim nga kompania dhe një zgjidhje konkrete për plotësimin e kërkesave, teksa kanë dënuar intimidimin që u bëhet punonjësve për të bojkotuar grevën.

“Po u bëjnë presion punonjësve me litarin e varfërisë, me bukën e fëmijëve”, ka thënë kreu i sindikatës Dritan Shahu.

I shoqëruar nga dy fëmijët e tij, grevisti Eduart Selami ka pohuar se nuk do të dorëzohen. “Unë kam marrë edhe fëmijët me vete, se për këta fëmijë po punojmë. Duam atë që na takon dhe nuk dorëzohemi”, ka thënë ai.

Një ndër punonjësit më të vjetër të vendburimit, Ago Nuhaj, ka thënë ndër të tjerash se nuk do t’i lënë të argëtohen me djersën e tyre.

“Me dinjitetin dhe me djersën tonë ne nuk do t’i lëmë të argëtohen, se këta argëtohen edhe kur ne vuajmë”, ka theksuar Nuhaj.

Greva mund të ndalojë, por jo të dështojë. E rëndësishme është që u thye frika, ka shtuar grevisti.

Këtu ka humbur çdo vlerë, ka humbur identiteti kombëtar. Me para këta po blejnë çdo gjë, ka thënë grevisti Dritan Rrapushi.

“Investitorët e huaj duhet të sillnin zhvillim, por ata po sjellin vetëm mjerim. Ndaj duhet reagim popullor. Nuk dorëzohemi dhe nuk do të ndalemi, por do të shkojmë drejt Tiranës, aty ku është qendra e korrupsionit”, kanë deklaruar grevistët.

Prej gati tre javësh, minatorët janë mbledhur çdo ditë në hyrjen kryesore të kompanisë. Protestuesit deklarojnë se nuk do të tërhiqen derisa kërkesat e tyre të plotësohen.

Ata kërkojnë ndërhyrjen e institucioneve shtetërore për të garantuar të drejtat e tyre dhe kushtet minimale të sigurisë në punë.

Autoriteti Kombëtar i Ushqimit (AKU) vijon me intensitet kontrollet në subjekte që tregtojnë Produkte për Mbrojtjen e Bimëve (PMB) në qarqe të ndryshme të vendit, me qëllim garantimin e sigurisë ushqimore dhe respektimin e kërkesave ligjore.

Në kuadër të këtyre kontrolleve, trupat inspektuese të AKU-së kanë ushtruar 8 inspektime në qarqet Lezhë dhe Fier.

AKU bën të ditur se, nga kontrollet 4 inspektime rezultuan pa shkelje të kërkesave ligjore. Në 2 raste u mor masa administrative “paralajmërim”; në një subjekt u vendos masa administrative “gjobë”, për shkak të ushtrimit të aktivitetit pa licencë; ndërsa në një tjetër subjekt, që ushtronte aktivitetin e riambalazhimit të PMB-ve, u vendos masa administrative “gjobë” për tregtim në kundërshtim me kërkesat ligjore dhe u bllokua aktiviteti, me propozim për revokimin e licencës”.

AKU njofton se kontrollet do të vijojnë në të gjithë vendin, me qëllim sigurimin e produkteve të sigurta për konsumatorin dhe respektimin e standardeve të tregtimit nga ana e bizneseve ushqimore.

AKU thekson se mbetet i angazhuar për të garantuar transparencë, siguri ushqimore dhe zbatim të ligjit, në shërbim të shëndetit të konsumatorëve dhe të një tregu të ndershëm ushqimor.

Nga Marsela Topi/ Naftëtarët e “Bankers” në Marinzë kanë hyrë në ditën e 14-të të grevës së urisë. Përkeqësimi i gjendjes shëndetësore të naftëtarëve të grevës së urisë ka bërë që numri i tyre të reduktohet në 7- të.

Grevisti Dritan Rrapushi ka pohuar se pavarësisht tkurrjes ata do të vazhdojnë kauzën deri në fund madje do të denoncojnë publikisht abuzime të kompanisë “Bankers Petroleum”.

“Do të denoncojmë mbi kompaninë shumë gjëra që ata që nuk i kanë zbatuar. Nëse inspektoriati nuk i nxjerrin do i demaskojmë të gjithë. Është një luftë që do të vazhdojë deri në fund. Nuk jemi këtu për të shpëtuar shtetin, por punëtorët”, shprehet ai.

Ndërkohë një prej grevistëve që ka lënë grevën e urisë Eduart Selami, vijon të jetë i pranishëm pranë tyre.

“Ne presim mbështetje nga shteti ka thënë ai. Shteti ynë ose është me ne ose me kinezët, nuk po na mbështet asnjë lloj institucioni, përveç mediave. Ata po rezistojnë shumë, po bëjnë sakrificë të madhe. Po kërkojmë një të drejtë që na është mohuar prej vitesh. Ne jemi të fortë dhe do të mbrojmë kauzën tonë”, tha ai.

Prej 18 vitesh operator në fushën naftëmbajtëse, Nikolin Alushaj pohon se në gati dy dekada ka përfituar një rritje page prej vetëm 7 mijë lekësh. Paga që na takon është 200 mijë lekë minimalisht thotë ai dhe nuk do reshtim së protestuari me të gjitha format deri në plotësimin e kërkesave tona.

“Të gjitha këtu janë thënë. Shpresojmë të kemi një përgjigje të mirë për të dyja palët. Gjithçka lidhet me pagesën. Nëse nuk paguhesh të bie edhe dëshira për të punuar. Kam 18 vite përvojë, kam pasur një rritje vetëm prej 7 mijë lekësh. 2 milionë lektë të vjetra do të ishte një pagë minimaliste për ne”, thotë ai.

Ndërkohë ende asnjë negociatë nuk duket në horizont ndërsa kompania në vendburim vijon punën normalisht.

Në grevën e nisur që prej 15 tetorit dhe e organizuar nga Sindikata e Sektorit Hidrokarbur, naftëtarët e Marinzës kërkojnë rritje pagash dhe përmirësim të kushteve të punës në një kohë kur kompania “Bankers Petroleum Albania LTD” hetohet nga SPAK, me dyshimin se i ka shkaktuar buxhetit të shtetit një dëm, prej 110 milionë lekësh.